Það er aðfangadagur og hjónin á Kölduhömrum búa sig undir jólahaldið. Magga á von á sínu fyrsta barni, rétt eins og kýrin á bænum. Sagan hefur rótfasta jarðtengingu, hendur í mold, líkama og fjárbókhald en líka eitthvað óáþreifanlegt, framliðna, sýnir og þyngd ósagðra orða. Þetta er brothætt saga sem gerist einhvern tímann á síðustu öld miðað við það að Guðmundur og Magga eru síðasta fólkið í sveitinni til að fá sér litasjónvarp og Guðmundur sá bíómyndina Flóttinn frá Alcatraz frá 1979. 

Í sjálfu sér er efnið hversdagslegt; hjón í sveit á Vestfjörðum eiga von á barni en bókin fagnar því sem í smæð sinni verður mikilvægt og stórt þegar einu vitnin eru fjöll, myrkur og suð í höfðinu. 

Um hjú og kú

Bókinni er skipt í þrjá hluta: Kálfur, Draumur og Barn. Í fyrsta hlutanum togar Guðmundur líf í heiminn með fingrum sem hann treystir ekki. Lífið tvöfaldar sig, ein …