Karl Héðinn segir af sér

K

arl Héðinn Krist­jáns­son, stjórn­ar­maður í fram­kvæmda­stjórn Sós­í­alista­flokks­ins, hefur sagt af sér sem for­seti ROÐA, ung­liða­hreyf­ingar flokks­ins.

Hann tekur ekki fram hvort hann muni halda áfram í fram­kvæmda­stjórn flokks­ins.

Karl Héðinn til­kynnti um þetta á Facebook síðu sinni í dag. „Ég vil hér með til­kynna að ég hef stigið til hliðar sem for­seti ROÐA,“ skrifar Karl Héðinn. „Sú ákvörðun var tekin eftir umhugsun og með hags­muni hreyf­ing­ar­innar að leið­ar­ljósi. Ég er ótrú­lega stoltur af því sem við höfum byggt saman und­an­farin ár, og þakk­látur fyrir sam­starfið, bar­átt­una og traustið sem mér hefur verið sýnt.“

Karl Héðinn greindi frá því nýverið að hann hefði átt í sam­bandi við unga konu þegar hann starf­aði innan ung­liða­hreyf­ingar Pírata. „Á síð­ustu vikum hefur komið upp umræða vegna sam­bands sem ég átti, þegar ég var 22 ára gam­all, við tölu­vert yngri mann­eskju. Þetta sam­band átti sér stað utan vett­vangs ROÐA og löngu áður en ég tók að mér for­ystu­hlut­verk í félag­inu. Enginn innan hreyf­ing­ar­innar hefur lýst nei­kvæðri reynslu af mér, en ég geri mér grein fyrir því að sam­bandið og þögn mín um það hefur vakið gagn­rýni og óör­yggi, sér­stak­lega í hreyf­ingu sem leggur áherslu á jafn­rétti, öryggi og traust,“ skrifar hann.“

„Mér finnst mik­il­vægt að segja þetta skýrt: Ég hef aldrei litið á neina mann­eskju sem „auð­veldan feng“ né ætlað mér að nýta aðstæður mér í hag. Þótt það hafi aldrei verið ætl­unin geri ég mér nú betur grein fyrir því hvernig slíkt sam­band getur vakið áleitnar spurn­ingar og það ber að taka alvar­lega. Ég geri mér jafn­framt grein fyrir því að dóm­greind mín hefði átt að vera betri á sínum tíma og að þögn mín um sam­bandið í upp­hafi þátt­töku minnar í ROÐA hefur valdið skilj­an­legu óör­yggi,“ bætir Karl Hérðinn við.

Eins og áður segir tekur Karl Héðinn ekki fram hvort hann muni sitja áfram í fram­kvæmda­stjórn Sós­í­alista­flokks­ins. „Ég lít svo á að ábyrgð felist ekki aðeins í gerðum, heldur líka í gagn­sæi, við­kvæmni og vilj­anum til að læra og vaxa,“ skrifar hann. „Ég harma mjög að aðrir upp­lifðu van­líðan í tengslum við þetta mál og vona að þessi yfir­lýs­ing skýri afstöðu mína og fyr­ir­ætl­anir. Framtíð mín liggur áfram í félags­legri bar­áttu, en ég mun nú beina athygli minni að öðrum sviðum, leggja mitt af mörkum með nýjum hætti og ein­beita mér að því sem ég get best. Bæði innan flokks­ins og í öðrum félags­legum og skap­andi verk­efnum. Með hlýju og von um sam­stöðu í áfram­hald­andi bar­áttu.“