Hildur Björnsdóttir og Kjartan Magnússon, fulltrúar Sjálfstæðisflokksins í borgarráði, lögðu á fundi ráðsins á fimmtudag til að Reykjavíkuborg léti hanna og framleiða sérstakann friðarfána Reykjavíkurborgar.

Fáninn yrði dreginn að húni daglega við Ráðhús Reykjavíkur fyrir utan þá átta rauðu daga sem ekki eru fánadagar, enda húsverðir ekki að störfum þá daga.

„Friðarfáninn verði táknmynd þess að Reykjavíkurborg er yfirlýst friðarborg enda starfrækir höfuðborgin Höfða friðarsetur og heimili Friðarsúlunnar er í borginni,“ segir í tillögu Hildar. „Með friðarfánanum verði ástæðulaust að draga erlenda þjóðfána að húni við Ráðhúsið í stríðsátökum erlendis enda standi höfuðborgin ávallt með friði.“

Þá lögðu borgarfulltrúarnir einnig til að íslenski þjóðfáninn verði dreginn að húni við Ráðhús Reykjavíkur alla daga ársins fyrir utan áðurnefnda átta rauða daga.

Báðum tillögunum var á fundinum vísað til meðferðar forsætisnefndar.