BBC notaði hugtakið morð til þess að lýsa örlögum Ísraela 220 sinnum oftar en til að lýsa örlögum Palestínumanna. Þetta kemur fram í skýrslu Centre for Media Monitoring sem kom út á dögunum. Miðstöðin er á vegum regnhlífasamtakanna Muslim Council of Britain. Í skýrslunni greindi miðstöðin 35 þúsund efnisþætti – greinar og sjónvarps- og útvarpsefni – frá BBC um átök Ísraels og Palestínu frá 7. október 2023 til 6. október 2024.  

Í skýrslunni segir: „Á greiningartímabilinu okkar voru 42.010 Palestínumenn og 1.246 Ísraelar drepnir – 34:1 hlutfall sem veitir mikilvægt samhengi til að meta jafnvægi i umfjöllun BBC. Þar sem dauðsföll á Gasa eru nú yfir 55 þúsund manns, þeirra á meðal fjöldi kvenna og barna, skoðum við hvort að BBC hafi uppfyllt skyldu sína til að upplýsa breskan almenning um það sem mörg hafa lýst sem „þjóðarmorði í beinni útsendingu“. Í meira en ár hafa Alþjóðadómstóllinn og Alþjóðaglæpadómstóllinn rannsakað …