Náttúrusamtökin Náttúrugrið gagnrýna Jóhann Pál Jóhannsson umhverfis-, orku- og loftslagsráðherra fyrir tvo fundi sem ráðuneytið átti með starfsfólki Landsvirkjunar sama dag og daginn eftir að hann lagði frumvarpið fram á Alþingi sem ætlað er að bregðast við því að virkjanaleyfi Hvammsvirkjunar var fellt úr gildi af dómstólum.

Snæbjörn Guðmundsson, formaður Náttúrugriða og jarðfræðingur, segir að frumvarpið veki „áleitnar spurningar um þrískiptingu valds“, þar sem það gæti í sjálfu sér snúið niðurstöðu dómstóla við. Landsvirkjun og ríkið hafa áfrýjað dómnum og bíður málið því frekari meðferðar dómstóla.  

„Stjórnsýslulegt hneyksli“

„Ráðuneytið er að makka með samáfrýjanda sínum sem er beint gegn úrskurði héraðsdóms þar sem landeigendur lögðu ríkið og Landsvirkjun,“ segir Snæbjörn um fundi ráðuneytisins og Landsvirkjunar. Hann segir að um „stjórnsýslulegt hneyksli“ sé að ræða. Náttúruverndarsamtök Íslands hafa tekið undir með Náttúrugrið en í umsögn þeirra segir: „Landsvirkjun virðist vera alveg inni á gafli hjá ráðherra fyrir og eftir framlagningu frumvarps …