Tap Þórsmerkur, móðurfélags Árvakurs, nam rúmum 348 milljónum króna á síðasta ári og versnaði um 139 milljónir frá fyrra ári. Félagið rekur meðal annars Morgunblaðið og mbl.is, auk Póstdreifingar og Landsprents.
Samkvæmt tilkynningu í Morgunblaðinu má rekja meginorsök tapsins til tölvuárásar sem raskaði starfsemi fyrirtækisins verulega. Þrátt fyrir að tekjur hafi aukist um 159 milljónir og numið alls 4.944 milljónum króna, dróst EBITDA – hagnaður fyrir afskriftir og fjármagnsliði – niður í einungis níu milljónir.
Haraldur Johannessen, framkvæmdastjóri og ritstjóri, segir við Morgunblaðið að undirliggjandi rekstur sé áfram erfiðan og að samkeppni við ríkisrekin fyrirtæki, einkum Ríkisútvarpið og Íslandspóst, sé helsta áhyggjuefnið.
Hann telur slíka samkeppni valda verulegu tekjutapi og hvetur stjórnvöld til að endurskoða aðkomu sína að þessum rekstri.
„Þó að horft sé framhjá þeim einskiptiskostnaði sem fyrirtækið varð fyrir vegna árása tölvuþrjótanna er engu að síður ljóst að undirliggjandi rekstur er áfram mjög erfiður. Samkeppni helstu fjölmiðla hér á landi við ríkisfyrirtæki er afar þungbær,“ segir Haraldur við Morgunblaðið.
Athugasemdir (1)