Bylgja Babýlons, leikkona og uppistandari greindist með leghálskrabbamein í byrjun árs 2021. Það voru læknar í Edinborg, þar sem Bylgja hafði þá búið í tæp þrjú ár, sem fundu meinið.

Bylgja hafði leitað til læknis í Edinborg vegna „kunnuglegra verkja“ eins og hún orðar það og er þá að vísa til þess að hún hafi fundið fyrir svipuðum verkjum í lok árs 2017 og fram á mitt ár 2018. Þá bjó hún enn á Íslandi.

Bylgja sagði sögu sína í Heimildinni á dögunum og lýsti því þar að henni hafi fundist verkirnir grunsamlegir „Þetta var seiðingur og svona þrýstingsverkir neðarlega í kviðarholinu,“ sagði Bylgja. 

Læknir hennar á Íslandi sendi hana í segulómun í mars árið 2018 og í kjölfarið fór Bylgja í speglun þar sem tekin voru sýni úr leghálsi.

Sýnin voru send í Leitarstöð Krabbameinsfélags Íslands. Niðurstaðan var sú að hún …