Þessi grein birtist fyrir meira en mánuði.

Streymi

Stefnuræða forsætisráðherra og afmælisdagskrá

Kristrún Frostadóttir flytur stefnuræðu sína á landsfundinum í dag. Þá taka við pallborðsumræður um öryggis- og varnarmál.

12. apríl 2025 · 13:00

Erla Hlynsdóttir

erlahlyns@heimildin.is

Landsfundur Samfylkingarinnar hófst í gær og heldur áfram í dag með hátíðardagskrá í tilefni af 25 ára afmæli Samfylkingarinnar. Dagskráin er í beinu streymi og má nálgast hér að ofan. Áætlað er að henni ljúki um klukkan 16.

Kristrún Frostadóttir forsætisráðherra hlaut 98,7 prósent atkvæða í endurkjöri til formanns Samfylkingarinnar á landsfundinu í gær en hún var ein í framboði til embættisins. Hún flytur stefnuræðu sína klukkan 13.35 í dag.

Kristrún ávarpaði fundinn eftir kjörið í gær og þakkaði flokksfólki traustið. „Það er heiður að fá að leiða Samfylkinguna áfram og ég er ótrúlega þakklát fyrir endurnýjað umboð. Ég gæti þetta ekki án ykkar og ég mun leggja mig alla fram hér eftir sem hingað til,“ sagði hún.

Þá lofaði Kristrún að hún yrði ekki fjarlæg og að hún myndi ekki missa tenginguna við fólkið í flokknum og landinu. „Samfylkingin er komin á réttan stað núna. Ég held við finnum það öll. Þetta er mjög náttúrulegt. Hér eigum við að vera, í forystustjórn landsmálanna.“

Dagskrá laugardaginn 12. apríl

13:30 Opin dagskrá í beinu streymi - Fundarstjóri: Katrín Júlíusdóttir

13:35 Stefnuræða formanns - Kristrún Frostadóttir

14:10 Pallborð - Öryggis- og varnarmál - Kristrún Frostadóttir, Ingibjörg Sólrún Gísladóttir, Víðir Reynisson og Guðmundur Árni Stefánsson. Umræðum stýrir Þórður Snær Júlíuson

14:50 25 ára afmæliskaffi

15:10 Hátíðarávarp - Finnbjörn A. Hermannsson, forseti ASÍ

15:20 Hátíðarávarp - Sigríður Margrét Oddsdóttir, framkvæmdastjóri SA

15:30 Sófaspjall með ráðherrum - Fyrstu 100 dagar ríkisstjórnarinnar. Umræðum stýrir Þórður Snær Júlíusson

16:10 Fyrrum formönnun Samfylkingarinnar veittur virðingarvottur og þakkir fyrir störf í þágu jafnaðarmanna á Íslandi

16:30 Fundi slitið

Ályktun landsfundar Samfylkingar:

Verkstjórn Samfylkingar í þágu þjóðar

Samfylkingin – jafnaðarflokkur Íslands leiðir nú ríkisstjórn sem gengur samhent til verka í þjónustu við fólkið í landinu. Ríkisstjórn Kristrúnar Frostadóttur hefur sýnt strax á fyrstu mánuðunum að hún er verkstjórn, ekki setustjórn, sem vinnur og virkar fyrir venjulegt fólk í daglegu lífi.

Samfylkingin lagði fram plan fyrir síðustu kosningar til þess að mæta þjóðinni í þeim málum sem mestu skipta. Plan um efnahagslegan stöðugleika og bráðaaðgerðir í

húsnæðismálum. Plan um örugg skref til þess að leysa áskoranir í velferðarmálum. Plan um að rjúfa kyrrstöðu í samgöngu-, orku- og atvinnumálum. Plan um að takast á við stærstu úrlausnarefni samfélagsins sem legið hafa óhreyfð árum saman.

Nú erum við að framkvæma þetta plan. Á aðeins 100 dögum hefur ríkisstjórnin kynnt aðgerðir og lagt fram frumvörp sem fela í sér bráðaaðgerðir í húsnæðismálum, þjóðarátak í umönnun eldra fólks, bindingu lífeyrisgreiðslna við launavísitölu, bætt kjör

öryrkja, styrkingu fæðingarorlofslöggjafar, leiðrétt veiðigjöld, aukna festu í ríkisfjármálum og stóraukin framlög til vegabóta og heilbrigðisþjónustu. Um leið hefur ríkisstjórnin gert

tímamótasamning við sveitarfélög um uppbyggingu hjúkrunarheimila og þjónustu við börn með fjölþættan vanda. Ríkisstjórn Kristrúnar Frostadóttur hefur sýnt að hún gengur

hreint til verks og er óhrædd við að hrista upp í hlutunum. En verkefnið er rétt að byrja.

Landsfundur Samfylkingarinnar leggur áherslu á að ríkisstjórn Kristrúnar Frostadóttur haldi ótrauð áfram að jafna aðstöðu fólks eftir tekjum og búsetu. Við þurfum að tryggja öryggi og varnir landsins. Við þurfum að vinna markvisst á mörg hundruð milljarða króna innviðaskuld sem safnast hefur upp vegna aðgerðarleysis fyrri ríkisstjórna. Við þurfum að skapa skilyrði til kraftmikillar verðmætasköpunar um allt land og tryggja þjóðinni sanngjarnan hlut í arðinum af auðlindunum sem við eigum saman. Þannig sköpum við sátt í samfélaginu og treystum stoðir velferðarþjóðfélags á Íslandi.

Að ári eru sveitarstjórnarkosningar í landinu og í þeim kosningum er mikilvægt að sjónarmið jafnaðarfólks fái gott brautargengi. Til þess eru öll efni og hvetur Landsfundurinn forystu og grasrót til að vinna vel að undirbúningi og leggja drög að góðum sigri að ári.

Staða alþjóðamála hefur raskast og óvissa er nú til staðar í öryggis- og varnarmálum og efnahagskerfum heimsins. Við þær aðstæður þarf að standa vörð um öryggi og frið, efla samstöðu með lýðræðisríkjum Evrópu og styðja við alþjóðlegt samstarf.

Samfylkingin leggur áherslu á að Ísland beiti sér fyrir jöfnuði og mannréttindum um allan heim og sé ávallt málsvari friðar, mannúðar, jafnréttis og lýðræðis. Samfylkingin stendur með sjálfsákvörðunarrétti kúgaðra þjóða. Alþjóðalög skulu virt í hvívetna til að tryggja frið.

Samfylkingin, öflugur og samhentur flokkur jafnaðarfólks, mun hér sem hingað til standa vörð um grunngildi jafnaðarstefnunnar, frelsið, jafnréttið og samstöðu hvert með öðru.

Ályktun landsfundar Samfylkingar í Grafarvogi, 11. – 12. apríl 2025

Kjósa

Hvernig finnst þér þessi grein? Skráðu þig inn til að kjósa.

Deila

Athugasemdir (1)

Skráðu þig inn til að skrifa athugasemd eða kjósa.

MS

Michael Schulz skrifaði
13. apríl 2025 09:15

Is there a difference between "social" and "socialist"?

-1

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Fólkið í borginni

Hefur ekki hitt manninn sinn í þrjú ár

Úkraínsk kona flúði til Íslands árið 2022 með fimm ára gömlum syni sínum og hefur ekki hitt eiginmann sinn síðan þá. Hún vonar að Íslendingar haldi áfram að vera kærleiksríkir og hjálpsamir.

Fréttir

Segir Útlendingastofnun ætla að senda Oscar úr landi eftir helgi

Íslenskur fósturfaðir Oscars Andres Florez Bocanegra, 17 ára drengs frá Kólumbíu sem hefur verið synjað um alþjóðlega vernd á Íslandi, segir að Útlendingastofnun ætli sér að koma Oscari úr landi eftir helgi.

Úttekt

Gjaldheimtufyrirtæki herja á ferðamenn

Gjaldtaka á bílastæðum á ferðamannastöðum á Íslandi hefur aukist hratt. Sumir ferðamenn hafa sagt að þeir hafi þurft að borga samtals um 40 þúsund krónur í bílastæðagjöld á ferðalagi sínu í kringum landið. Eigandi umsvifamesta gjaldheimtufyrirtækisins á landsbyggðinni skilur að fólki sé brugðið.

Fréttir

Tíu ára drengur lést í Hvítá - Bænastund í kvöld

Banaslys varð í Hvítá í Hrunamannahreppi í gær þegar dráttarvél hafnaði í ánni. Ökumaður dráttarvélarinnar var tíu ára drengur og var hann útskurðaður látinn á vettvangi

Fréttir

Gunnar Smári úti í kuldanum

Niðurstöður síðustu alþingiskosninga voru Sósíalistaflokki Íslands gríðarleg vonbrigði og kallað var eftir uppgjöri. Hallarbylting varð á aðalfundi flokksins þar sem fulltrúar ósáttrar grasrótar náðu völdum. Eftir stendur að forseti borgarstjórnar Reykjavíkur og flokkur hennar ganga ekki í takt.

Pistill

Illugi Jökulsson

Létt prófraun ríkisstjórnar og Alþingis

Næstu daga munu ríkisstjórn og Alþingi gangast undir prófraun og ef þessar æðstu stofnanir landsins falla á prófinu mun það óhjákvæmilega hafa í för með sér að traust til þeirra minnkar mjög verulega hjá stórum hópi fólks. Þar á meðal mér. Prófraunin felst í því að andlitslaust stjórnvald hefur ákveðið að 17 ára pilti, honum Oscari okkar allra, skuli vísað...

Mest lesið

Mest lesið í vikunni

Úttekt

Einhverfir á vinnumarkaði: Starfsmannaskemmtanir bara ólaunuð yfirvinna

Í atvinnuauglýsingum er gjarnan krafist mikilla samskiptahæfileika, jafnvel í störfum þar sem þess ekki er þörf. Þetta getur útilokað fólk, til að mynda einhverfa, sem búa yfir öðrum mikilvægum styrkleikum. Bjarney L. Bjarnadóttir gerði tímamótarannsókn á þessu og leggur áherslu á að atvinnurekendur efli fötlunarsjálfstraust.

Fólkið í borginni

Hefur ekki hitt manninn sinn í þrjú ár

Fréttir

Segir Útlendingastofnun ætla að senda Oscar úr landi eftir helgi

Fréttir

Fólki sparkað úr landi fyrir að verja stjórnarskrána

Bandaríkjastjórn bannaði Harvard-háskóla að taka við erlendum nemendum síðastliðinn fimmtudag með nýrri tilskipun en Harvard hefur kært ákvörðunina og segir hana skýrt brot gegn fyrsta viðauka stjórnarskrárinnar um tjáningarfrelsi. Bráðabirgðalögbann hefur verið sett á tilskipunina. „Hægt og rólega erum við að sjá fall Bandaríkjanna," segir Gunnhildur Fríða Hallgrímsdóttir, sem er að útskrifast úr háskólanum.

Aðsent

Andrea Rós Guðmundsdóttir

Þú þarft ekki að deyja til að verða nóg

Andrea Rós Guðmundsdóttir hefur frá unga aldri glímt við lystarstol. Hún skrifar um rætur veikindanna og leiðina að bata – þar sem hugrekki felst í því að biðja um hjálp og læra að sýna sjálfri sér mildi.

Allt af létta

Óvenjuleg málefni fyrir rauða dregilinn

Kristinn Hrafnsson, ritstjóri Wikileaks, sótti kvikmyndahátíðina í Cannes þar sem heimildarmynd um Julian Assange var frumsýnd í vikunni. Hann segir upplifunina nokkuð sérstaka.

Mest lesið í mánuðinum

English

Climeworks’ capture fails to cover its own emissions

The carbon capture company Climeworks only captures a fraction of the CO2 it promises its machines can capture. The company is failing to carbon offset the emissions resulting from its operations – which have grown rapidly in recent years.

Rannsóknir

Föngun Climeworks stendur ekki undir eigin losun

Climeworks fangar aðeins brot af því CO2 sem það lofar að vélar þess geti fangað. Fyrirtækið nær ekki að kolefnisjafna þá losun sem stafar af umsvifum þess – sem hefur vaxið hratt síðustu ár.

Aðsent

Ónefnd kona skrifar

Bréf frá brotaþola hópnauðgunar

Ofbeldi gerir ekki greinarmun á þolendum eða gerendum eftir uppruna þeirra. Réttlæti má ekki gera það heldur.

ViðtalHlaupablaðið 2025

Níu lykilatriði um hreyfingu að læknisráði

Kristín Sigurðardóttir læknir veitir forvitnilega innsýn í afgerandi áhrif hreyfingar á líkama okkar og heila. Hún varar við „náttúruleysi“ og að fólk rjúfi tengslin við sig sjálft eða náttúruna.

Allt af létta

Kókómjólk á tilboðsverði af allt öðrum ástæðum

Kókómjólk hefur verið fádæma vinsæl meðal landsmanna í rúmlega hálfa öld og drekka Íslendingar um níu milljónir Kókómjólkurferna árlega. Þeir sem stunduðu njósnir fyrir Björgólf Thor Björgólfsson árið 2012 töldu að það væri tilvalið að fela upptökumyndavél inni í tómri fernu af Kókómjólk.

Fréttir

Lögreglumenn unnu fyrir rannsóknafyrirtæki Lúðvíks

Þrír lögreglumenn þáðu greiðslu frá Laco, öryggis- og rannsóknafyrirtæki Lúðvíks Kristinssonar, sama ár og Lúðvík stundaði njósnir. Störf þeirra virðast þó hafa verið ótengd njósnunum en aðalvarðstjóri í lögreglunni á höfuðborgarsvæðinu segist hafa unnið eina nótt á hóteli gegn greiðslu.