Það er mun auð­veld­ara að vera kona númer tvö en að vera kona númer eitt. Ég bý að því að það er búið að ryðja ákveðna braut þegar ég tek við. Svo fólk er ekki eins mikið að ein­blína á hvers kyns ég er, heldur bara mín verk. Það er mín upp­lifun.“

Þetta segir Guðrún Karls Helgu­dóttir, biskup Íslands, í sam­tali við Heim­ild­ina. Hún var kjörin leið­togi þjóð­kirkj­unnar, önnur íslenskra kvenna, á síð­asta ári. Þrátt fyrir að for­dæmi sé fyrir konu í hlut­verk­inu segir Guðrún að hún upp­lifi annað við­mót en karlar myndu gera í hennar stöðu. „Það hef ég líka gert sem prestur. Fólk segir meira við konur í ýmsum stjórn­unar- og áhrifa­stöðum, held ég, en það myndi segja við karl­menn.“ 

Hún útskýrir að frá því hún hóf störf sem prestur hafi hún fundið fyrir því að fólk láti í ljós skoð­anir á því sem konur geri með opin­skárri …