„Þetta er dóttir mín, hún Eva Elín­björt, sem ákvað að elta mömmu sína inn á bráða­mót­tök­una,“ segir Elín Tryggva­dóttir, hjúkr­un­ar­fræð­ingur og aðstoð­ar­deild­ar­stjóri bráða­mót­tök­unnar. Dóttir hennar, Eva Elín­björt Guð­jóns­dóttir, á eftir tvö og hálft ár af hjúkr­un­ar­nám­inu en tekur vaktir sem hjúkr­un­ar­nemi á bráða­mót­tök­unni. Hún segir mömmu sína ekki hafa hvatt sig til að fara í hjúkr­un­ar­fræð­ina. „Hún er búin að vinna á bráða­mót­tök­unni í 25 ár og ég er búin að sjá hana síðan ég var pínu­lítil að vera að fara á vaktir,“ segir Eva. Elín, mamma hennar, grípur fram í: „Ég var nátt­úr­lega ólétt að þér í vinn­unni,“ og þær hlæja báðar. Þrátt fyrir að Eva hafi ekki fengið hvatn­ingu frá mömmu sinni til að fara í hjúkr­un­ar­fræði þá kom áhug­inn skyndi­lega. „Allt í einu kom það mjög sterkt til mín að mig lang­aði líka að verða hjúkr­un­ar­fræð­ingur,“ segir Eva Elín­björt. 

En hvernig leist mömm­unni á starfs­val dótt­ur­innar? …