-
Byrjaðu rólega – Ekki fara of hratt af stað. Hlaupa-ganga aðferðin (hlaupa í smá tíma, ganga í smá tíma) er frábær leið til að byggja upp úthald.
-
Haltu þig við áætlun – Settu þér raunhæf markmið og fylgdu æfingaáætlun. Til dæmis geturðu byrjað á 2–3 hlaupum í viku og smám saman aukið álag. Kynntu þér hlaupahópa í þínu umhverfi, þar er hægt að nálgast æfingar, samveru og hvatningu frá öðrum hlaupurum.
-
Hlauptu á hæfilegum hraða – Byrjaðu á hraða þar sem þú getur enn haldið uppi samræðum án þess að missa andann.
-
Veldu góða hlaupaskó – Réttir skór skipta sköpum til að forðast meiðsli. Farðu í íþróttavöruverslun og fáðu ráðgjöf um rétta skó fyrir þig.
-
Hlustaðu á líkamann – Ef þú finnur fyrir verkjum sem ganga ekki yfir skaltu hvíla þig og íhuga að leita ráðgjafar frá sérfræðingi.
-
Upphitun og teygjur eftir hlaup – Góð upphitun og teygjur eftir á draga úr meiðslahættu og bæta bata.
-
Drekktu nægilega mikið vatn – Vökvun er mikilvæg, sérstaklega ef þú hleypur í langan tíma eða í heitu veðri.
-
Styrktarþjálfun – Styrktaræfingar fyrir fætur, kjarna og bak hjálpa til við að bæta hlaupastíl og minnka líkur á meiðslum.
-
Vertu þolinmóð/ur/tt – Framfarir taka tíma. Ekki gefast upp þótt þú sért ekki strax kominn á það úthald eða hraða sem þú vilt ná.
-
Njóttu hlaupsins! – Finndu hlaupaleiðir sem þér finnst skemmtilegar, hlustaðu á tónlist eða hljóðbækur, og hafðu gaman af ferlinu!
Gangi þér vel með hlaupin! 🏃♂️🔥
Athugasemdir