Kallar saman þingmenn og sérfræðinga vegna varnarmála

„Óbreytt ástand er ekki ásætt­an­legt. Við verðum að átta okkur á að það er ný ver­öld, nýr heimur, að ein­hverju leyti, að teikn­ast upp þegar kemur að öryggi og vörnum lands­ins,“ segir Þor­gerður Katrín Gunn­ars­dóttir utan­rík­is­ráð­herra. Skoða verði af fullri alvöru alla mögu­leika og þar er allt undir. Aðspurð segir hún að það feli meðal ann­ars í sér að skoða hvort bjóða ætti erlendum her að hafa var­an­lega við­veru á Íslandi, líkt og var þegar banda­rísk her­stöð var á Reykja­nesi, til að tryggja varnir lands­ins í breyttu alþjóð­legu umhverfi. „Mín skoðun er sú ein­fald­lega: við þurfum að efla varnir og þá vil ég ekki úti­loka neitt. Í því felst vinnan núna næstu vikur, að skoða hvar við þurfum að gera betur,“ segir hún. 

„Ég mun kalla til þing­menn úr öllum flokkum auk sér­fræð­inga, bæði úr háskóla­sam­fé­lag­inu og úr atvinnu­líf­inu, en þetta er eitt af því sem ég tel að …