„Það er tals­vert um foktjón á Stöðv­ar­firði,“ segir Kristján Ólafur Guðnason, yfir­lög­reglu­þjónn á Eski­firði, en íbúar á Aust­ur­landi lentu illa í fár­viðr­inu sem er ekki enn gengið niður fyrir austan. Íbúar Stöðv­ar­fjarðar fengu þó verstu bylt­una en níu hús skemmd­ust tölu­vert í óveðr­inu. Þak fauk af einu húsi og fjöl­margar rúður sprungu undan bál­viðr­inu.

Muna ekki eftir öðru eins

„Níu hús hafa orðið fyrir tjóni að því er við teljum, einnig bílar og fleira. En það á eftir að fara betur yfir þetta,“ segir Kristján Ólafur sem segir heild­ar­mynd­ina ekki ljósa, enda Stöðv­ar­fjörður lok­aður vegna óveð­urs­ins. Slökkvi­lið Fjarð­ar­byggðar kom þangað í gær­kvöldi og hefur verið síðan að aðstoða íbúa.

„Margir sem þarna búa og hafa verið lengi, segj­ast ekki muna eftir öðru eins. Þetta er bara tölu­verður atburður,“ segir Kristján Ólafur. Spurður út í tjónið segir hann rúður hafa sprungið og þak­plötur fokið af …