Talsvert fjaðrafok varð þegar bandarísku verðbréfamarkaðarnir opnuðu á mánudag en hlutabréf í sumum stærstu alþjóðlegu tæknifyrirtækjunum lækkuðu um hundruðir milljarða bandaríkjadollara. Til dæmis hrundi markaðsvirði móðurfyrirtækis Google um jafnvirði 13.000 milljarða króna en Microsoft 910 milljarða.

Verst úti varð þó bandaríska fyrirtækið Nvidia, eitt verðmætasta fyrirtæki heims, sem setti nýtt met í verðbréfahruni á bandaríska  verðbréfamarkaðnum. Markaðsvirði fyrirtækisins lækkaði um 600 milljarða bandaríkjadala á mánudag, sem nemur 78.000 milljörðum króna. Nvidia hefur grætt hvað mest á uppgangi gervigreindartækni, en fyrirtækið er stórtækur framleiðandi örgjörva sem mikilvægir eru fyrir gervigreindartölvur.

Nýjar og ódýrari aðferðir

Ástæða þessa uppnáms á verðbréfamarkaði var tilkoma kínverska spjallmennisins DeepSeek, óvænts samkeppnisaðila við hið bandaríska ChatGPT. Um helgina komst forrit DeepSeek í fyrsta sæti á App Store í Bandaríkjunum, á Bretlandi og Íslandi og hefur náð gríðarlegri dreifingu á skömmum tíma.

DeepSeek notast við aðrar aðferðir við að byggja upp gervigreind sína en þær sem tíðkast í …