„Ástandið á Gaza er óásætt­an­legt og sýnir allar verstu og grimm­ustu hliðar mann­legs eðlis. Það er öruggt að framin hafa verið alvar­leg brot á alþjóða­lögum – jafn­vel það sem okkur er tamt að tala um sem þjóð­ar­morð, en úr því fæst ekki end­an­lega skorið nema fyrir alþjóða­dóm­stólum. Ég veit að íslensku þjóð­inni ofbýður þetta ástand – og það sama á við um mig,“ segir Þor­gerður Katrín Gunn­ars­dóttir, utan­rík­is­ráð­herra, í færslu á Facebooksíðu hennar. 

Í til­kynn­ingu frá utan­rík­is­ráðu­neyt­inu segir að ráð­herra hafi í dag rætt við fram­kvæmda­stjóra UNRWA og yfir­mann mann­úðar- og upp­bygg­ing­ar­mála Sam­ein­uðu þjóð­anna fyrir Gaza, en síðan vísar ráðu­neytið á Facebooksíðu Þor­gerðar Katrínar vegna nán­ari upp­lýs­inga um inni­hald sam­tal­anna. 

UNRWA er Palest­ínu­flótta­manna­hjálp Sam­ein­uðu þjóð­anna en athygli vakti snemma á síð­asta ári þegar þáver­andi utan­rík­is­ráð­herra, Bjarni Bene­dikts­son, ákvað að frysta tíma­bundið greiðslur íslenskra rík­is­ins til hennar eftir að ásak­anir komu fram um að starfs­menn UNRWA hefðu átt aðeild að árás Hamas á Ísrael þann 7. októ­ber 2023. Í mars  var síðan til­kynnt af hálfu ráð­neyt­is­ins að fram­lagið yrði greitt fyrir gjaldag­ann, 1. apríl.

Á Facebooksíðu sinni segir Þor­gerður Katrín að í sím­tali sínu við Philippe Lazzarini, fram­kvæmda­stjóra UNRWA, hafi hún stað­fest við hann að Ísland muni greiða fram­lög til stofn­un­ar­innar fyrr en áætlað var, í ljósi gríð­ar­legrar mann­úð­ar­þarfar. Ísland meti mik­ils það mik­il­væga starf sem Lazzarini og starfs­fólk hans inna af hendi við afar krefj­andi aðstæður. 

Óviðunandi staða 

Þá skrifar Þor­gerður Katrín að í sam­tali við Sigrid Kaag, yfir­mann mann­úðar- og upp­bygg­ing­ar­mála Sam­ein­uðu þjóð­anna fyrir Gaza, hafi þær farið yfir „mik­il­vægi þess að koma á vopna­hléi í Gaza, bæta aðgengi að mann­úð­ar­að­stoð og finna leið að lausn fyrir fólkið á svæð­inu. Því staðan núna er óvið­un­andi.“

Þor­gerður Katrín skrifar: „Það er mín ein­læga trú að alþjóða­sam­fé­lagið geti gert meira og talað hærra - fyrir friði og fyrir fólkið sem býr við óhugs­andi og grimmi­legar aðstæður á degi hverjum. Þar getum við Íslend­ingar sann­an­lega orðið að liði. Við kom­una í utan­rík­is­ráðu­neytið ein­setti ég mér að beita rödd minni hvert sem ég fer, í þágu mann­úðar og frelsis.

Ég hef þegar óskað eftir fleiri sam­tölum við for­svars­menn alþjóða­stofn­ana og ríkja sem að deil­unni koma til að öðl­ast dýpri skiln­ing á stöð­unni, gera þeim grein fyrir afstöðu Íslands í mál­inu og bjóða fram krafta okkar. Ísland stendur með sak­lausum borg­urum og börnum sem líða fyrir þessar ólýs­an­legu hörm­ungar. Þessum hryll­ingi verður að linna.“