Fréttir

Halla bíður með hamingjuóskir til Trumps

Ólíkt forvera hennar á forsetastóli hyggst Halla Tómasdóttir ekki senda Donald Trump heillaóskir strax eftir kjör hans til forseta Bandaríkjanna.

Jón Trausti Reynisson

8. nóvember 2024 · 13:14

Birtist fyrir 2 árum.

Ólíkt forsætisráðherra og utanríkisráðherra Íslands hefur forsetinn, Halla Tómasdóttir, enn ekki sent Donald Trump heillaóskir eftir að hann fór með sigur af hólmi í forsetakosningunum í Bandaríkjunum. Samkvæmt upplýsingum frá forsetaembættinu hyggst hún bíða með hamingjuóskir fram á næsta ár.

Viðbrögð Höllu við kjöri Trumps eru frávik frá viðbrögðum forvera hennar, Guðna Th. Jóhannessonar, sem óskaði Donald Trump til hamingju með kjör hans strax 9. nóvember 2016, daginn eftir að hann var kosinn forseti fyrra sinnið.

„Forseti Íslands mun senda verðandi forseta Bandaríkjanna heillaóskir í bréfformi fyrir hönd íslensku þjóðarinnar þegar hann verður formlega settur inn í embætti í janúar,“ segir í svari frá skrifstofu forseta Íslands við fyrirspurn Heimildarinnar. Þar kemur einnig fram að forsetinn hafi ekki átt nein samskipti „við Donald Trump í tengslum við kjör hans“. Trump verður settur inn sem forseti 20. janúar næstkomandi.

Bæði Þórdís Kolbrún Reykfjörð Gylfadóttir utanríkisráðherra og Bjarni Benediktsson forsætisráðherra þegar óskað Trump til hamingju, eins og margir þjóðarleiðtogar, og lýst yfir tilhlökkun yfir samstarfi með honum og stjórn hans. „Bandaríkin eru sterkasta bandalagsríki Íslands og stærsta einstaka viðskiptaland. Ég hlakka til að vinna með Trump-stjórninni að því að þróa lengra okkar langvarandi samband sem vina og bandamanna,“ sagði Bjarni Benediktsson forsætisráðherra á X.

Í heillaóskum sínum við fyrra kjör Trumps notaði Guðni Th. Jóhannesson, þáverandi forseti, tækifærið til að minna Trump á gildismat þjóðanna. „Enda þótt Bandaríkin væru eitt stærsta lýðræðisríki veraldar en Ísland eitt hið minnsta deildu þjóðirnar mörgum mikilvægum gildum; við styðjum einhuga frelsi til hugsana og tjáningar, jafnrétti kynjanna og höfum í hávegum jafnan rétt allra þegna óháð litarhafti eða trú,“ sagði hann.

Aðeins eru tíu dagar frá því að Halla tók á móti Volodymyr Selenskí Úkraínuforseta á Bessastöðum, en Donald Trump hefur boðað fráhvarf frá stuðningi við Úkraínu, lýst Selenskí sem „mesta sölumanni heims“, státað af góðu sambandi við Vladimir Pútín Rússlandsforseta og boðað að hann geti endað Úkraínustríðið á einum sólarhring, sem er að líkindum eingöngu mögulegt með mikilli eftirgjöf við Rússa, einna helst á landsvæðum Úkraínu.

Halla hefur búið í Bandaríkjunum stóran hluta ævinna. Bæði var hún skiptinemi í bandarískum menntaskóla og svo starfaði hún fyrir stórfyrirtækin Mars og Pepsi Cola eftir útskrift úr MBA-námi á 10. áratugnum.

Kjósa

Hvernig finnst þér þessi grein? Skráðu þig inn til að kjósa.

Deila

Efnisorð

Athugasemdir (2)

Skráðu þig inn til að skrifa athugasemd eða kjósa.

K Hulda Guðmundsdóttir skrifaði
9. nóvember 2024 17:33

Ágætt hjá forseta Íslands að bíða með þennan beiska kaleik

2
HÓ

Helga Óskarsdóttir skrifaði
8. nóvember 2024 14:43

En ætlar Halla að stöðva xD mafíuna í starfsstjórn að gefa leyfi í náttúruauðlindir okkar? Byrjunin er Hvalur hvað svo? Þetta er starfsstjórn og allar stjórnmálalegar ákvarðanir eiga að bíða næstu ríkisstjórnar.

4

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

StjórnmálSveitarstjórnarkosningar 2026

Sýnir sjálfan sig kýla Pétur

Guðmundur Ingi Þóroddsson, oddviti Flokks fólksins, birtir myndband af sjálfum sér kýla oddvita Samfylkingarinnar og sakar hana um loforðasvik, en sjálfur hafði hann reynt að ná sæti hjá flokknum.

Innlent

Ákæran öll: Slóð umsáturseineltis rakin

Ákæran gegn Írisi Helgu sýnir hvernig hún reyndi að hrella fólk og eyðileggja mannorð þess fyrir að þýðast henni ekki.

Stjórnmál

Borgarfulltrúar rannsakaðir vegna leka á innherjaupplýsingum

Borgarfulltrúar hafa gefið regluverði og rannsakendum vilyrði um aðgang að tölvum sínum vegna rannsóknar á leka á innherjaupplýsingum.

Greining

Hvaðan kemur fylgið?

Framsóknarflokknum blæðir til hægri og berst nú fyrir því að halda manni í borgarstjórn á meðan Viðreisn sækir í allar áttir. Stór hluti fylgis Vinstrisins fluttist með Sönnu Magdalenu Mörtudóttur frá Sósíalistum, sem sækja sjálfir í kjósendahóp Pírata.

Innlent

Íris Helga ákærð fyrir umsáturseinelti: Saksóknari listar upp 68 atvik

Dómsmál gegn Írisi Helgu Jónatansdóttur verður þingfest á morgun en ákæran er hátt í 20 blaðsíður. Þar er Íris meðal annars sögð hafa logið kynferðislegri áreitni upp á nemendur í grunnskóla.

Erlent

Gruna Pútín um blekkingar

Vladimir Pútín boðar endalok Úkraínustríðsins.

Mest lesið

Mest lesið í vikunni

Viðtal

„Ég kom úr mjög nánu, fallegu og stóru samfélagi kynlífsverkafólks“

Eftir útskrift úr háskóla sótti Logn um rúmlega hundrað störf en ekkert kom út úr því. Hán átti góða vini í kynlífsvinnu sem hún leitaði til. Síðar stofnaði hán Rauðu regnhlífarina, samtök kynlífsverkafólks á Íslandi. „Samstaðan sem kann að eiga sér stað meðal kynlífsverkafólks er eitt það fallegasta og dýrmætasta sem ég hef upplifað í mínu lífi.“

Viðtal

Fann leiðina úr myrkri sorgarinnar

Jónas Kwei Ting Sen segir skoðun sína umbúðalaust og viðurkennir að sjá stundum eftir því sem hann hefur skrifað. Nafn kínversks afa hans, Kwei Ting, merkir „hinn heiðarlegi“ og það hefur Jónas ætíð að leiðarljósi. Að baki beinskeyttri ímynd býr saga sem fáir þekkja til fulls. Snemma á lífsleiðinni brilleraði hann sem píanóleikari og tónskáld, en á bak við tónlistina er saga af einelti og botnlausri sorg, stórbrotnum ævintýrum og andlegri leit sem hefur farið með hann um djúpa dali, í dulspeki, hugleiðslu og að lokum í faðm kaþólsku kirkjunnar.

Innlent

Ljóðskáld í súlufitness og kynlífsþjónustu á netinu

Brynhildur María Ragnarsdóttir er í meistaranámi, hefur skrifað ljóð og fyrsta skáldsagan er í vinnslu. Á undanförnum árum hefur hún einnig starfað sem súludansari og veitt kynlífsþjónustu á netinu. Þótt hún verði vör við fordóma sumra hefur þetta veitt henni aukið sjálfstraust. „Loksins var ég með reglur og stjórn yfir sjálfri mér.“

Innlent

Unglingar geta pantað áfengi og fengið afhent á 20 mínútum

Landlæknisembættið kannaði hvort ungmenni ættu greiðan aðgang að áfengi í gegnum netsíður sem selja slíkan varning. Í ljós kom að aðeins fimm sölusíður af fjórtán krefjast staðfestingar á aldri.

Pistill

Sif Sigmarsdóttir

Gyðingahatur í dulargervi

Lengi vel var sem gyðingahatur heyrði sögunni til. Veröldin virðist hins vegar búin að tapa minninu.

Pistill

Borgþór Arngrímsson

Rekinn úr hernum eftir 43 ára þjónustu

Þann 3. október í fyrra fékk Frederik Hansen, foringi í danska hernum, bréf frá Leyniþjónustu danska hersins (FE). Frederik Hansen hafði á löngum starfsferli innan hersins margsinnis fengið bréf varðandi eitt og annað sem tilheyrði starfinu. En innihald þessa bréfs kom Frederik Hansen vægast sagt á óvart.

Mest lesið í mánuðinum

Innlent

Fleiri kæra eltihrelli: „Maður lítur oftar um öxl en áður“

Fleiri hafa bæst í hóp þeirra sem hafa kært Írisi Helgu Jónatansdóttur fyrir eltihrelli. Nú eru það starfsmaður skóla og maður sem starfaði áður við sjúkraflutningar. Íris vakti þjóðarathygli þegar hún var handtekin og grunuð um að koma því til leiðar að fölsk dánartilkynning birtist í Morgunblaðinu.

InnlentEldsumbrot á Reykjanesskaga

Eldgos geta komið upp í efri byggðum höfuðborgarsvæðisins

„Töluverðar“ líkur eru á því að gosupptök geti orðið skammt frá útjaðri byggðar í Hafnarfirði og Garðabæ, en ekki er útilokað að eldgos komi upp innan efri byggða höfuðborgarsvæðisins, samkvæmt nýju hættumati.

Viðtal

„Ég kom úr mjög nánu, fallegu og stóru samfélagi kynlífsverkafólks“

Úttekt

Kynlífsverkafólk deilir reynslu sinni: „Glæpavæðing einangrar mann“

Fjórir einstaklingar sem unnið hafa mismunandi kynlífsvinnu á Íslandi segja þörf á að breyta lögum og laga viðhorf samfélagsins. Einangrun fólks sem vinnur slíka vinnu sé hættuleg. Í dag hafa þau komið upp sínu eigin tengslaneti til að styðja hvert annað og passa upp á öryggi og mannréttindi kynlífsverkafólks og þolenda vændis.

Það sem ég hef lært

Aðalsteinn Leifsson

Þessi stutta grein gæti sett líf þitt í uppnám

Leiðirnar að góðu lífi eru fjölbreyttar en sjaldnast augljósar.

StjórnmálSveitarstjórnarkosningar 2026

Píratar undrandi á Góðan daginn-framboðinu: „Mér finnst þetta mjög skrítið“

Það hitnaði kolunum í oddvitasamtali Heimildarinnar þegar það kom í ljós að oddviti Góðan daginn-framboðsins var ráðinn til starfsins. Hann segist ekki vera á launum og gerir ekki athugsemd við að fjársterkur einstaklingur velji fólk á framboðslista.