Eva Björg Ægis­dóttir kom fram á rit­völl­inn fyrir sex árum síðan sem sig­ur­veg­ari glæpa­sagna­keppn­innar Svart­fugls­ins og hefur ekki slegið slöku við síðan. Bækur hennar hafa notið vin­sælda hér á landi og einnig komið út erlendis og hlotið góðar við­tökur. Kvöldið sem hún hvarf er sjö­unda bók Evu og þar fylgist les­and­inn með rann­sókn, for­sögu og eft­ir­málum ein­kenni­legs beina­fundar við sveitabæ í Hval­firði.

Lög­reglu­konan Elma fer með rann­sókn máls­ins ásamt kol­legum sínum á Akranesi en Elma er les­endum Evu Bjargar að góðu kunn úr eldri bókum. Sjón­ar­horn sög­unnar ein­skorð­ast þó ekki við Elmu heldur hverf­ist sagan ekki síður um Karítas, unga móður sem er nýflutt upp á Skaga eftir svipt­ingar í fjöl­skyld­unni, og nágrann­ann Krist­ó­fer, ungan pilt af efn­uðu heim­ili. Karítas kemur ný inn í lítið sam­fé­lag þar sem hún þekkir ekki til og bæði Krist­ó­fer og aldr­aði leigusal­inn Baldvin verða örlaga­valdar í til­veru hennar. Ég hef áður lesið nokkrar af …