Barna­barn Önnu Láru Páls­dóttur er eitt þeirra barna sem liggur illa haldið á spít­ala eftir að E.coli-sýk­ing kom upp á leik­skól­anum Mána­garði um miðjan októ­ber. Hún segir að um enga maga­kveisu sé að ræða, börnin séu bók­staf­lega að berj­ast fyrir lífi sínu.

Tugir barna eru enn veik vegna sýk­ing­ar­innar. Nokkur börn hafa veikst alvar­lega og verið lögð inn sjúkra­hús. Í gær lágu ell­efu börn inni á barna­spít­ala Hrings­ins með E.coli, þar af fjögur alvar­lega veik á gjör­gæslu. 

Fyrr í dag var greint frá því að sýk­ing­una mætti rekja til bland­aðs naut­gripa- og kinda­hakks frá Kjarna­fæði sem notað hafði verið í hakk og spa­gettí. 

„Það er búið að stinga og pota svo mikið í hann“

„Pétur Helgi er búinn að vera með blóð­ugan nið­ur­gang í tvær vikur og það er gríð­ar­legt álag á lít­inn kropp. Hann hefur verið í nokk­urs­konar gjör­gæslu sl. vik­una þar sem lífs­mörk eru tekin á fjög­urra tíma fresti allan sól­ar­hring­inn og blóð­gildi lesin á tólf tíma fresti.

Hann hefur verið með maga­krampa og upp­köst, hefur nán­ast ekk­ert nærst en stöðugt með vökva og glúkósa í æð. Það var hryll­ingur að koma æða­leggnum upp því hann var orð­inn svo þurr og má varla orðið snerta barnið án þess að hann kveinki sér því það er búið að stinga og pota svo mikið í hann. Nýrna­starf­semin hefur verið skert og vökva­gjöfin þar af leið­andi safn­ast upp í bjúg um allan lík­amann. Litlu hend­urnar hans litu orðið út eins og upp­blásnir latex­hanskar,“ skrif­aði Anna Lára á Facebook fyrr í dag. 

Tæpt að drengurinn færi á gjörgæslu

Pétur Helgi hefur ekki enn þurft að fara á gjör­gæslu. „En það hefur verið tæpt nokkrum sinnum,“ segir Anna Lára í sam­tali við Heim­ild­ina. „Á laug­ar­dag­inn síð­asta þá mælist að hann er kom­inn með HUS [Hemolytic–uremic syndrome] – sem er afleiddur sjúk­dómur frá bakt­er­í­unni sem að leggst á nýrun.“

Nokkrum dögum eftir að hann veikt­ist var Pétur Helgi lagður inn á spít­ala í sól­ar­hring. Eftir það var hann í reglu­legu eft­ir­liti. Þegar hann greind­ist með HUS um helg­ina þurfti að leggja dreng­inn inn og hann hefur verið mjög veikur. „Þetta eyði­leggur líka blóð­flög­urnar. Svo hann er búinn að fara þrisvar í blóð­gjöf með stuttu milli­bili,“ segir Anna Lára.

Hún segir að í hvert skipti sem lesa þurfi blóð­gildi drengs­ins taki ótt­inn yfir um það hvort nú eigi að leggja dreng­inn inn á gjör­gæslu þar sem börn eru sett í blóð­skilun til að létta á nýr­unum. En sýk­ingin getur haft í för með sér var­an­lega nýrna­bilun og jafn­vel dauða. „Þið getið rétt ímyndað ykkur ang­ist og örvænt­ingu for­eldr­anna við að horfa upp á barnið sitt svona veikt,“ skrif­aði Anna Lára á Facebook. 

Börnunum líði illa og geti varla tjáð sig

Hún segir við Heim­ild­ina að enn séu börn að bæt­ast við á spít­al­anum. „Það bætt­ist við eitt barn í inn­lögn í fyrra­dag síð­ast. Þetta eru svo lang­vinn veik­indi. Þau eru svo lengi að malla.“

Anna Lára segir álagið vera rosa­legt á fjöl­skyldur þeirra barna sem eru mjög veik. „Alveg gríð­ar­legt.“ Spurð hvernig hennar fjöl­skylda hafi það segir Anna Lára að fólk bregð­ist mis­mun­andi við. „[For­eldr­arnir] þau eru bara búin að vera að troða mar­vað­ann þarna inni á spít­ala að horfa á barnið sitt svona veikt.“

Þriggja ára stúlka sem var með Pétri Helga í her­bergi á spít­al­anum er nú komin á gjör­gæslu. Nú er enn yngri stúlka, sem Anna Lára heldur að sé um tveggja ára, komin í hennar stað. „Hún er svo lítil. Börnunum líður svona hrylli­lega illa og geta varla tjáð sig. Þetta er bara hryll­ingur.“ 

Annað sem taki á sé biðin á eftir nið­ur­stöðum og því sem í raun­inni gerð­ist. „Því maður fer í raun í gegnum áfall. Það er sjokk og hræðsla og svo kemur reiðin og þá vill maður vita hvað gerð­ist eig­in­lega. Af hverju er barnið ekki öruggt á leik­skól­anum sínum? Hvernig getur þetta gerst? Þetta á ekki að geta gerst.“

Finnst að leikskólinn ætti að biðjast afsökunar

Anna Lára er óánægð með það hvernig við­brögð leik­skól­ans hafa verið eftir að sýk­ingin kom upp. Henni þykja yfir­lýs­ingar frá Mána­garði vera á þá leið að starfs­fólkið sé í áfalli og þakki for­eldrum stuðn­ing­inn, líkt og þau væru fórn­ar­lömbin.

„Mér finnst bara stuða – alla­vega mitt fólk – svo­lítið að það sé ein­hvern veg­inn verið að sækja sér svolitla vor­kunn. Að þau séu í áfalli og þau séu að sækja sér stuðn­ing hjá for­eldrum. Þau eiga bara að vera auð­mjúk og biðj­ast afsök­unar og að hugur þeirra sé hjá börn­unum og for­eldrum þeirra.“ 

Að lokum segir Anna Lára að sér þyki mik­il­vægt að málið verði upp­lýst og að umræða um það fari fram. „Þannig að þetta ger­ist ekki aftur – þannig að það sé passað upp á svona hluti. Þetta er bara svo rosa­legt að þetta skuli hafa gerst inni á leik­skóla. “