Lenya Rún efst í Reykjavíkurkjördæmunum

Lenya Rún Taha Karim var efst í próf­kjöri Pírata í Reykja­vík­ur­kjör­dæm­unum, Björn Leví Gunn­ars­son í öðru sæti, Halldóra Mogensen í því þriðja og Andrés Ingi Jónsson í fjórða sæti. Lenya er vara­þing­maður Pírata og for­maður Ungra Pírata en Björn, Halldóra og Andrés eru öll sitj­andi þing­menn flokks­ins. 

Í fimmta sæti er Dóra Björg Guð­jóns­dóttir, odd­viti Pírata í Reykja­vík, og Alex­andra Briem, borg­ar­full­trúi Pírata í Reykja­vík, í því sjötta. 

Lenya Rún og Björn Leví leiða því hvor sinn list­ann í Reykja­vík. Píratar eru nú með sex þing­menn, þar af fjóra úr Reykja­vík­ur­kjör­dæm­unum.

Þór­hildur Sunna Ævars­dóttir þing­flokks­for­maður er odd­viti í Suð­vest­ur­kjör­dæmi, í öðru sæti er Gísli Rafn Ólafsson sem einnig er sitj­andi þing­maður flokks­ins, og í þriðja sæti er Sig­ur­björg Erla Egils­dóttir, bæj­ar­full­trúi Pírata í Kópavogi. 

Píratar eru nú með tvo þing­menn úr Suð­vest­ur­kjör­dæmi, þau Þórhildi Sunnu og Gísla Rafn. 

Ugla Stefanía Krist­jönu­dóttir Jóns­dóttir, kynja­fræð­ing­ur og sér­fræð­ing­ur í mál­efn­um hinseg­in fólks, leiðir list­ann í Norð­vest­ur­kjör­dæmi, Sunna Ein­ars­dóttir er í öðru sæti og Pétur Óli Þor­valds­son í því þriðja. 

Týr Þór­ar­ins­son, oft kall­aður Mummi og var kenndur við Götu­smiðj­una, er nýr odd­viti Pírata í Suð­ur­kjör­dæmi en Álf­heiður Eymars­dóttir, bæj­ar­full­trúi í Árborg og vara­þing­maður, er í öðru sæti. Bergþór H. Þórð­ar­son, fyrr­ver­andi vara­for­maður ÖBÍ - rétt­inda­sam­taka er í því þriðja.

Theodór Ingi Ólafsson er odd­viti Pírata í Norð­aust­ur­kjör­dæmi, Adda Steina í öðru sæti og Viktor Trausta­son, fyrr­ver­andi for­seta­fram­bjóð­andi, er í því þriðja.

Próf­kjöri Pírata vegna alþing­is­kosn­inga 2024 lauk klukkan 16:00 í dag en Píratar eru eini flokk­ur­inn sem heldur próf­kjör í aðdrag­anda alþing­is­kosn­ing­anna.

Nið­ur­stöð­urnar voru kynntar í Petersen svít­unni klukkan 17. Tilkynnt var um nið­ur­stöður í bind­andi sætum í öllum kjör­dæmum en það eru 4 efstu sæti í Norð­vest­ur­kjör­dæmi, 5 efstu í Suður- og Norð­aust­ur­kjör­dæmi, 7 efstu í Suð­vestur- og 12 efstu í Reykja­vík­ur­kjör­dæm­unum.

Upp­lýs­ingar um fram­bjóð­endur má nálg­ast í kosn­inga­kerfi Pírata en alls voru 69 manns í fram­boði.

Píratar stefna að því að kynna end­an­lega lista í öllum kjör­dæmum á næstu dögum.