Grein­ingum á Covid smitum hefur fjölgað und­an­farnar vikur og hefur Land­spít­al­inn gripið til aðgerða vegna þessa. Tölfræði sýkla- og veiru­fræði­deildar Land­spít­al­ans sýnir að í síð­ustu viku hafi 66 smit greinst úr 319 sýnum sem voru tekin og eru það fleiri smit en á nokk­urri annarri viku und­an­farin miss­eri.

„Það virð­ist vera að smitum hafi fjölgað síð­ustu tvær, þrjár vik­urnar, og fleiri inn­lagnir eru á Land­spít­al­anum vegna Covid,“ segir Anna Margrét Guð­munds­dóttir, stað­geng­ill sótt­varn­ar­læknis. „Það hefur líka verið að aukast í lönd­unum í kringum okkur. En flestir eru lítið veikir. Þetta eru ekki alvar­legri veik­indi en meira í dreif­ingu.“

Samkvæmt til­kynn­ingu frá Land­spít­al­anum hefur Covid skotið upp koll­inum á átta deildum spít­al­ans og breiðst hratt út á nokkrum þeirra. Sjúk­lingar hafi smit­ast og verið ein­angr­aðir í kjöl­farið en starfs­fólk hafi einnig smit­ast og misst úr vinnu. „Nú að morgni 16. júlí eru 32 sjúk­lingar í ein­angrun vegna COVID á Land­spít­ala í þremur húsum (Landakot, Hring­braut og Foss­vogur) og er þetta þriðja sum­arið sem bylgja COVID sýk­inga herjar á lands­menn,“ segir í til­kynn­ing­unni.

Vegna þessa munu á morgun taka í gildi aðgerðir eins og grímu­skylda starfs­fólks í sam­skiptum við sjúk­linga og tak­mörkun á heim­sókn­ar­tímum. Mælst er til að börn undir 12 ára aldri komi ekki í heim­sókn og að ekki komi fleiri en tveir í einu til hvers sjúk­lings. „Þegar far­aldur er á deild er heim­ilt að loka alveg fyrir heim­sóknir tíma­bundið en hafa þó áfram þann mögu­leika að gefa und­an­þágur,“ segir í til­kynn­ing­unni.

Best að viðhafa sóttvarnir

„Þetta er í dreif­ingu í þjóð­fé­lag­inu og inn­lagn­irnar á Land­spít­al­anum end­ur­spegla það,“ segir Anna Margrét. „En flestir eru með lítil ein­kenni og fólk er ekki alvar­lega veikt. Það er ekk­ert sem bendir til þess að þetta séu alvar­legri veik­indi en áður. En þetta er tals­verður fjöldi með Covid.“

„Það er ekk­ert sem bendir til þess að þetta séu alvar­legri veik­indi en áður“

Aðspurð segir Anna að um sömu afbrigði veirunnar sé að ræða og hafa verið í dreif­ingu í Evrópu að und­an­förnu. „Eins og venju­lega er best að við­hafa sótt­varnir, kannski aðal­lega þeir sem eru í áhættu­hópum, með bælt ónæm­is­kerfi og eldra fólk,“ segir hún. „Þau mega huga að því að þetta er í dreif­ingu.“