Ráðuneytið hélt fund til að lægja óánægjuöldur um frumvarp um laxeldi

Mat­væla­ráðu­neyti Bjarkeyjar Gunn­ars­dóttur hélt upp­lýs­inga­fund um umdeilt frum­varp um lagar­eldi á Hilton-hót­el­inu á Suð­ur­lands­braut í morgun þar sem farið var yfir efni frum­varps­ins. Sjald­gæft er að slíkir upp­lýs­inga­fundir séu haldnir um laga­frum­vörp sem búið er að leggja fram og mæla fyrir á Alþingi. 

Umræður um frum­varpið í sam­fé­lag­inu leiddu til þess að ráðu­neytið tók U-beygju um það atriði þess sem hefur verið umdeild­ast: Að gera rekstr­ar­leyfin í lax­eld­inu ótíma­bundin.   Í stað þess að hafa rekstr­ar­leyfin í lax­eld­inu ótíma­bundin hefur mat­væla­ráðu­neytið sent breyt­ing­ar­til­lögur til atvinnu­vega­nefndar um að rekstr­ar­leyfin eigi að vera tíma­bundin. 

Kolbeinn og KristinnÁgætlega var mætt á fund­inn á Hilton-hót­el­inu á Suð­ur­lands­braut. Kolbeinn Árnason skristofu­stjóri fisk­eldis í mat­væla­ráðu­neyt­inu hélt erindi um frum­varpið og áhuga­menn um lax­eldi, eins og til dæmis Kristinn H. Gunn­ars­son, rit­stjóri Bæjarins besta á ísa­firði, voru meðal gesta.

Mynd: Golli

Telur innihald frumvarpsins hafa fallið í skuggann

Í ávarpi sínu á upp­lýs­inga­fund­inum kom Bjarkey Gunn­ars­dóttir inn á þetta atriði sér­stak­lega og er ljóst af því sem ráð­herr­ann segir að stór hluti ástæð­unnar fyrir því að fund­ur­inn var hald­inn er umræðan um þetta atriði frum­varps­ins um ótíma­bundnu leyfin.

Hún sagði: „Að lokum vil ég segja að þetta er metn­að­ar­fullt frum­varp sem að snýst fyrst og fremst um að gera umhverfis- og nátt­úru­vernd hærra undir höfði þegar kemur að hag­nýt­ingu sam­eig­in­legra auð­linda og þeim ytri áhrifum sem af því hljót­ast. Málið hefur sann­ar­lega fengið mikla umfjöllun og féllu þau atriði sem ég hef rakið [...] í skugg­ann af því. Við gerð frum­varps­ins var talið að best mætti ná þessum mark­miðum með því að gera rekstr­ar­leyfin ótíma­bundin og hafa aft­ur­köll­unar- og skerð­ing­ar­heim­ildir frum­varps­ins mun rík­ari enda kom fram í áður­nefndri skýrslu Rík­is­end­ur­skoð­unar að leyfin í núgild­andi kerfi væru í raun ótíma­bundin þar sem Mat­væla­stofnun skorti heim­ildir til að synja end­ur­nýjun. Þær fyr­ir­ætl­anir að hafa leyfin ótíma­bundin hafa mætt and­stöðu fjöl­margra aðila og ég hef skiln­ing á því og hef talið nauð­syn­legt að bregð­ast við. Atvinnu­vega­nefnd er nú með málið til umfjöll­unar og til­lögur þar að lút­andi.“

Greinin fór óbreytt í gegnum þrjá ráðherra VG

Út frá þessum orðum Bjarkeyjar er lík­legt að fund­ur­inn sé við­bragð við umræð­unni um um grein­ina um ótíma­bundnu leyfin sem leiddi meðal ann­ars til harka­legra orða­skipta á Alþingi.

Þor­gerður Katrín Gunn­ars­dóttir, for­maður Við­reisnar sagði meðal ann­ars um það og og grein­ina um ótíma­bundnu leyfin. „Það er eins og engin við­vör­un­ar­ljós hafi kviknað við þessa yfir­ferð. Þetta er massíf slysa­slepp­ing á vondu frum­varpi sem hefur átt sér stað í gegnum þessa flokka [...] „Við gefum heldur ekki auð­lindir í eigu þjóðar, punktur.“

Eitt af því sem er sér­stak­lega áhuga­vert við þessa grein laga­frum­varps­ins er að hún fór óbreytt í gegnum þrjá mat­væla­ráð­herra Vinstri grænna við vinnslu frum­varps­ins. Fyrst Svandísi Svav­ars­dóttur, svo Katrínu Jak­obs­dóttur sem tók við af Svandísi þegar hún fór í veik­inda­leyfi og loks Bjarkeyju Gunn­ars­dóttir. Það var ekki fyrr en sagt var frá grein­inni í Heim­ild­inni og í kjöl­far umræðna á Alþingi að mat­væla­ráðu­neytið dró í land og vildi tíma­binda leyfin. 

Rétt eins og Bjarkey hefur Svandís nú dregið í land og sagst vera fylgj­andi því að tíma­binda rekstr­ar­leyfin. Á Alþingi sagði hún: „Mik­il­vægt sé að ... „ráð­ast í breyt­ingar á því ákvæði með það fyrir augum að tíma­binda heim­ild­irnar en um leið að gæta sér­stak­lega að því að það verði ekki á kostnað nátt­úru­verndar og umhverf­is­hags­muna.“

Afstaða Katrínar til máls­ins liggur ekki fyrir þar sem hún fæst ekki til að tjá sig um það efn­is­lega.

Gagn­rýnendur sjó­kvía­eldisÞekktir gagn­rýnendur sjó­vkvía­eldis komu á upp­lýs­inga­fund­inn eins og til dæmis Óttar Ingvason, eig­andi Haf­fjarð­arár á Snæ­fells­nesi, sem er lengst til vinstri á mynd­inni, Katrín Odds­dóttir lög­fræð­ingur og Elvar Frið­riks­son frá Vernd­ar­sjóði Atl­ants­haf­s­laxs­ins (NASF) sem er annar til hægr á mynd­inni.

Mynd: Golli