For­seta­fram­bjóð­end­urnir Ásdís Rán Gunn­ars­dóttir, Ástþór Magn­ús­son, Eiríkur Ingi Jóhanns­son og Viktor Trausta­son eru ásamt Helgu Þór­is­dóttur með 2,4 pró­senta fylgi, sam­an­lagt.
Þetta kemur fram í nýrri kosn­inga­spá Heim­ild­ar­innar sem birt er í blað­inu sem kom út í dag. Fyr­ir­liggj­andi skoð­ana­kann­­­anir eru þar teknar saman og þeim gefið vægi til þess að spá fyrir um úrslit kosn­­­inga.  

Loka­sprettur kosn­inga­bar­átt­unnar er að hefj­ast. For­seta­kosn­ingar fara fram 1. júní næst­kom­andi og fram­bjóð­endur hafa því þrjár vikur til að freista þess að ná eyrum kjós­enda.

Í hádeg­inu í dag, föstu­dag, er komið að Ásdísi Rán, Ástþóri, Eiríki Inga og Viktori að mæt­ast í kapp­ræðum í Pressu, umræðu­þætti Heim­ild­ar­innar.

Þátt­ur­inn er í beinni útsend­ingu á vef Heim­ild­ar­innar og hefst klukkan 12.