Gestir næsta þáttar Pressu, sem sýndur er í hádeg­inu á vef Heim­ild­ar­innar alla föstu­daga, verða þeir Ragnar Þór Ing­ólfs­son, for­maður VR, Breki Karlsson, for­maður Neyt­enda­sam­tak­anna, og Ólafur Steph­en­sen, fram­kvæmda­stjóri Félags atvinnu­rek­enda.

Eflaust undr­uð­ust margir það þegar tríó mynd­að­ist, sam­sett full­trúum neyt­enda, launa­fólks og svo versl­un­ar­eig­enda og heild­sala. Þetta ólík­lega þrí­eyki hefur þó staðið saman í málum sem varða sam­keppn­is­mál, eða öllu heldur sam­keppn­is­brot, og nú síð­ast frið­helgi fyrir sam­keppn­islaga­brotum, sem þeir telja að Alþingi hafi veitt nokkrum af stærstu fyr­ir­tækjum lands­ins.

Umdeild laga­setn­ing sem heim­ilar afurða­stöðvum í kjöt­iðn­aði að hafa með sér mikla sam­vinnu og umfangs­mikið sam­starf, hefur verið til umfjöll­unar í Heim­ild­inni und­an­farna viku. Fyrr­ver­andi for­maður Bænda­sam­tak­anna gagn­rýndi málið harð­lega í við­tali á dög­unum, það hafði Sam­keppn­is­eft­ir­litið áður gert, ásamt stétt­ar­fé­lögum, neyt­enda­sam­tökum og Félagi atvinn­nu­rek­enda.

Í vik­unni bætt­ist svo mat­væla­ráðu­neytið við og gagn­rýndi nefnd þings­ins fyrir vinnu­brögð og lögin, sem veittu allt of víð­tækar heim­ildir, sem jafn­vel næðu til fyr­ir­tækja sem ekk­ert hefðu með land­búnað að gera.

Þessu hefur hið svo­kall­aða Sam­keppnis-tríó tekið virkan þátt í að mót­mæla og erindi þeirra til mat­væla­ráðu­neyt­is­ins hratt í raun af stað atburða­rás sem gerir það að verkum að nýr mat­væla­ráð­herra situr uppi með skammir frá ráðu­neyt­inu sem hún stýrir núna sjálf.