Guðmundur Felix Grétarsson mun sækjast eftir því að verða næsti forseti Íslands í komandi kosningum. Þessu greindi rafvirkinn fyrrverandi frá í myndbandstilkynningu á Facebook rétt í þessu.
„Embætti forseta er í hugum flestra sameiningartákn og líf mitt er bókstaflega holdgervingur þess hvers Íslendingar eru megnugir þegar við tökum höndum saman. Það er alltaf von og það er alltaf leið,“ sagði Guðmundur Felix meðal annars í ávarpi sínu.
Í ræðunni talaði hann um aukna skautun samfélagsins, það að mikilvægt væri að standa gegn hatri og finna það sem sameinar frekar en það sem sundrar.
„Ég tel að Ísland og jafnvel heimsbyggðin öll sé á svipuðum stað og ég var á fyrir rúmum 20 árum síðan. Við getum haldið áfram á sömu braut í átt að óumflýjanlegum örlögum okkar eða við segjum stopp hér og tökum nýja stefnu,“ segir Guðmundur Felix. Ekki væri hægt að láta þjóðarskútuna reka á reiðanum í veikri …
Athugasemdir (1)