Baldur Þórhallsson, prófessor í stjórnmálafræði við Háskóla Íslands, nýtur stuðnings 56 prósent þeirra sem taka afstöðu í nýrri könnun Prósents þar sem spurt er um þá sem gefið hafa kost á sér í embætti forseta Íslands. Séu þeir taldir með sem ekki vita hvern þeir vilja styðja, mælist Baldur með stuðning 37 prósent allra.

Svarendur sem tóku afstöðuAf þeim sem tóku afstöðu í könnunni nýtur Baldur Þórhallsson fær Baldur Þórhallsson mestan stuðning.

Mynd: Prósent

Halla Tómasdóttir, sem einnig bauð sig fram árið 2016, er næst vinsælasti frambjóðandinn samkvæmt könnuninni. Alls segjast 23 prósent þeirra sem taka afstöðu með einhverjum frambjóðanda styðja Höllu í embættið. Arnar Þór Jónsson, fyrrverandi dómari og varaþingmaður Sjálfstæðisflokksins, nýtur stuðnings 8 prósent. Athygli vekur að Ásdís Rán Gunnarsdóttir, sem ekki hefur gefið endanlega út um framboð þó hún safni meðmælum fólks, nýtur 5 prósenta stuðnings þeirra sem velja sér frambjóðanda. 

HeildarniðurstöðurEf þeir eru taldir með sem ekki vita hvern þeir vilja styðja mælist Baldur með stuðning 37 prósent allra. Halla kemur þar á eftir með 15 prósent.

Mynd: Prósent

Ástþór Magnússon, sem hefur reglulega reynt fyrir sér í forsetaframboði og er þjóðinni vel kunnur, nýtir stuðnings 3 prósenta aðspurðra. Þær Agniezka Solowska og Sigríður Hrund Pétursdóttir njóta hvor stuðnings 1 prósents aðspurðra. 

Aðrir ná ekki upp fyrir eina prósentið.