Samn­inga­nefnd Verka­lýðs- og sjó­manna­fé­lags Kefla­víkur (VSFK) hefur fengið heim­ild til þess að hefja und­ir­bún­ing að verk­föllum. Í til­kynn­ingu sem Guðbjörg Krist­munds­dóttir, for­maður VSFK, birti á Facebook-síðu sinni sagði hún að Samtök atvinnu­lífs­ins haldi því ávallt fram að ekki sé rétti tím­inn til átaka og kaup­hækk­ana.

„Ætli maður verði ekki bara að hætta þessu eða óska eftir að þau láti okkur vita hvenær við megum vinna vinn­una okkar,“ segir Guðbjörg í færslu sinni. 

Í færsl­unni til­kynnti hún að félagið muni nú hefja vinnu við að und­ir­búa verk­falls­að­gerðir og kosn­ingu meðal félags­manna. VSFK bæt­ist við í hóp með Eflingu og Verka­lýðs­fé­lag Akraness sem munu brátt efna til verk­falls­kosn­inga hjá ræst­inga­fólki sem skráð eru í félögin.

Verk­falls­kosn­ing­arnar munu að óbreyttu fara fram í næstu viku. Í frétta­til­kynn­ingu Eflingar kom fram að verði verk­falls­að­gerðir sam­þykktir mun ræst­inga­fólk leggja niður störf þann 18. mars.

Óánægja með endurskoðun á launaliði kjarasamninga

Alvarleg staða er komin upp í kjara­við­ræðum Samtaka atvinnu­lífs­ins og samn­inga­nefnda stétt­ar­fé­laga og lands­sam­banda launa­fólks á almennum vinnu­mark­aði.

Sú flókna staða sem nú er upp má að miklu leyti rekja til ákvörð­unar Samtaka atvinnu­lífs­ins um að opna aftur launa­lið­inn í við­ræðum sínum við fag­fé­lög iðn­að­ar­manna. Í vik­unni féllust Samtök atvinnu­lífs­ins á kröfur samn­ing­nefnda fag­fé­lag­anna um auknar pró­sentu­hækk­anir á launum.

En samn­inga­nefndir Félags vél­stjóra og málm­tækni­manna, Raf­iðn­að­ar­sam­bands Íslands og MATVÍS greindu frá síða­slið­inn laug­ar­dag að félögin hafi komið sér saman um að hefja und­ir­bún­ing á verk­falls­að­gerðum.   

Sú ákvörðun hleypti illu blóði í samn­inga­nefndir breið­fylk­ing­ar­innar og í til­kynn­ingu sem Efling sendi frá sér í kjöl­farið var ákvörðun Samtaka atvinnu­lífs­ins sögð vera mikil von­brigði.

Þótti samn­inga­nefnd Breið­fylk­ing­ar­innar Samtök atvinn­lífs­ins hafi sýnt sér og öðrum innan breið­fylk­ing­ar­innar „mikla van­virð­ingu með því að rjúfa fyr­ir­liggj­andi sam­komu­lag við hana um þá launa­stefnu sem marka átti í samn­ing­unum.“    

Forsenduákvæði standa í VR og LÍV

Í síð­ustu viku drógu samn­inga­nefndir VR og Land­sam­band íslenzkra verzlunarmanna sig úr sam­starfi við breið­fylk­ingu félaga Alþýðu­sam­bands­ins. Var það meðal ann­ars vegna ágrein­ings um for­sendu­á­kvæði kjara­samn­inga. Samkvæmt til­kynn­ingu sem birt var vef VR, standa félögin nú utan við­ræðna í nokk­urs­konar bið­stöðu. 

Fundur milli Samtaka atvinnu­lífs­ins og samn­inga­nefnda breið­fylk­ing­ar­innar hófst í morgun í Karp­hús­inu. Þá mun samn­inga­nefnd Eflingar og Samtaka atvinnu­lífs­ins funda húsa­kynnum rík­is­sátta­semj­ara í dag.