Stúd­enta­fé­lag Háskól­ans í Reykja­vík sendi nýverið frá sér ályktun þar sem til­boði háskóla-, iðn­aðar- og nýsköp­un­ar­ráðu­neyt­is­ins um full fjár­fram­lög gegn afnámi skóla­gjalda er hafnað og stjórn­völd hvött til þess að end­ur­skoða úrræðið.

Í álykt­un­inni segir að til­boðið feli í sér að rekstr­ar­tekjur skól­ans lækki um rúman millj­arð króna „og þar sem HR er rekið sem sjálfs­eign­ar­fé­lag og skilar hann ekki hagn­aði þýðir þeta nið­ur­skurður um u.þ.b. 15%.“

Í til­kynn­ing­unni segir Stúd­enta­fé­lagið fagna umræðu um að fé skuli fylgja nem­endum en kallar eftir því að stjórn­völd styðji nem­endur í sjálf­stætt starf­andi háskólum, óháð því hvort þeir greiði skóla­gjöld eða ekki.

Þá segir í álykt­un­inni að ekki sé hægt að tryggja gæði kennslu og fara eftir skil­málum úrræð­is­ins sem skól­anum býðst. „For­sendur í núver­andi til­boði frá ráðu­neyt­inu gefa í ljós að HR gæt þá tæp­lega helm­ingað skóla­gjöld en haldið sömu sér­stöðu sem nem­endur hafa valið.“

Í sam­tali við Jakob Dan­í­els­son, for­seta Stúd­enta­fé­lags Háskól­ans í Reykja­vík, segir hann að stúd­enta­fé­lagið hafi sent álykt­un­ina til stjórn skól­ans sem tekur loka­á­kvörðun um málið. „Ég held að þau séu nú sam­mála okkur í þessu að það sé erfitt að halda þess­ari sér­stöðu uppi ef þú ætlar að skera niður um 15 pró­sent,“ segir Jakob.

Tilboð háskóla-, iðnaðar-, og nýsköpunarráðherra

Fyrr í vik­unni til­kynnti Áslaug Arna Sig­ur­björns­dóttir, háskóla-, iðn­aðar- og nýsköp­un­ar­ráð­herra að sjálf­stætt starf­andi háskólum; Háskól­anum í Reykja­vík, Háskól­anum á Bifröst og Lista­há­skóla Íslands stæði til boða fá óskert fjár­fram­lög gegn því skil­yrði að þeir afnemi skóla­gjöld. 

Und­an­farin ár hafa fram­lög til skól­anna þriggja verið á bil­inu 60 til 80 pró­sent af því sem opin­berir háskólar hafa fengið. Í til­kynn­ingu ráðu­neyt­is­ins segir að breyt­ingin verði fjár­mögnuð innan ramma fjár­laga 2024 og innan gild­andi fjár­mála­á­ætl­unar. Enn sem komið er liggur ekki fyrir hvort Háskól­inn í Reykja­vík og Háskól­inn á Bifröst muni þiggja boð ráð­herra.

Lista­há­skóli Íslands til­kynnti sam­dæg­urs að skól­inn myndi þekkj­ast boð ráð­herra og mun afnema skóla­gjöld frá og með næsta hausti. Í sam­tali við blaða­mann Heim­ild­ar­innar sagði Kristín Eysteins­dóttir, rektor Lista­há­skóla Íslands, að það hafi lengi verið eitt af stóru mark­miðum skól­ans að gera nám í listum aðgengi­legra fyrir fjöl­breytt­ari hóp fólks. Þá muni skól­inn líta til ann­ara mögu­leika til þess að afla sér sér­tekna.