Helen Cova er íslenskur höf­undur af venes­ú­elskum upp­runa. Hún hefur áður gefið út barna­bæk­urnar Snúlla finnst gott að vera einn (2019) og Snúlla finnst erfitt að segja nei (2022), smá­sagna­safnið Sjálfsát: Að éta sjálfan sig (2020) og í nóv­em­ber í ár kom út ljóða­bókin Ljóð fyrir klofið hjarta. Allar bæk­urnar komu út á ensku og/eða spænsku sam­hliða íslensku útgáf­unum hjá Karíba, bóka­út­gáfu Helen Cova og Sigurðar Jök­uls­sonar, en hún var stofnuð til að vera eins konar bók­mennta­brú milli Suður-Ameríku og Íslands. Þessi áhersla á fjöl­tyngi er mjög góð við­bót í bók­menntaflór­una. 

Aðal­per­sóna bók­ar­innar, Simona, er inn­flytj­andi sem býr á Íslandi. Hún elskar mat­inn, tón­list­ina, lands­lagið og fólkið. Ísland er „heim­ili hjarta“ hennar. Hún leggur sig fram við að læra tungu­málið með aðstoð barna í skól­anum. Það er erfitt að læra tungu­mál, sér­stak­lega þegar hún nær ekki að segja orð rétt og það er hlegið að henni, sem er …