„Það er sjálf­sagt og eðli­legt að við reynum að stíga skref breyt­inga og reynum að ná víð­tæk­ari sátt um útfærslu kerf­is­ins,“ segir Jón Gunn­ars­son, þing­maður Sjálf­stæð­islokks­ins. Þetta segir hann um frum­varp Svan­dísar Svav­ars­dóttur mat­væla­ráð­herra um breyt­ingar á fisk­veiði­stjórn­un­ar­kerf­inu í fyrsta þætti Pressu á Heim­ild­inni.

Hann segir Svandísi fara sína eigin veg­ferð með frum­varpið þar sem það var lagt fram án alls sam­ráðs milli stjórn­ar­flokk­ana. Hann telur það áhyggju­efni að öll sjáv­ar­út­vegs­fyr­ir­tækin geti verið sam­mála um að frum­varpið sé áhyggju­efni.

Jóhann Páll Jóhanns­son, þing­maður Sam­fylk­ing­ar­innar, tók einnig þátt í umræð­unum og sagði hann slá­andi að heyra Svandísi lýsa óvissu um hvort rík­is­stjórnin myndi styðja frum­varpið. „Mér finnst þetta afhjúpa erind­is­leysi þess­arar rík­is­stjórnar,“ sagði Jóhann Páll. 

Jóhann Páll telur mik­il­væg­ast fyrir rík­is­stjórn­ina að hámarka verð­mæta­sköpun og auka fram­leiðni í sjáv­ar­út­vegi. Hann vill einnig að því verði „tekið alvar­lega að sam­kvæmt lögum eru nytja­stofnar á Íslands­miðum í eign þjóð­ar­innar.“ Því þyki honum eðli­legt að þjóðin fái aukna hlut­deild í þeirri auð­lind­arentu sem verður til í sjáv­ar­út­vegi.

„Til hvers er eiginlega þessi ríkisstjórn?” 

Jóni þykja „vinnu­brögð fyrir neðan allar hellur“, en þó séu atriði í frum­varp­inu sem hann geti sætt sig við. Hann nefnir sem dæmi mik­il­vægi þess að íslensk sjáv­ar­út­vegs­fyr­ir­tæki geti verið sam­keppn­is­hæf á erlendum mark­aði. 

Stefán Vagn Stef­áns­son, þing­maður Fram­sókn­ar­flokks­ins, segir að horft sé til Íslands sem fyr­ir­myndar að fisk­veiði­kerfum og því sé mik­il­vægt að ná sátt við sjáv­ar­út­vegs­fyr­ir­tækin, en að sú veg­ferð geti verið erfið því hags­munir séu mis­miklir.

„Til hvers er eig­in­lega þessi rík­is­stjórn?“ spurði Jóhann Páll og ásak­aði rík­is­stjórn­ina um að ná ekki saman „um eitt né neitt“. Hann telur málin í sjáv­ar­út­veg­inum vera stöðnuð, í orku­öflun og nefnir að Jón hafi sjálfur talað um „stjórn­leysi í útlend­inga­málum“. 

Hér má horfa á fyrsta þátt Pressu í heild sinni: