Mikill kostnaður fer í að halda Laugardalsvellinum leikfærum. Í umsókn Knattspyrnusambands Íslands til Fjárlaganefndar Alþingis hljómar fjárhagsáætlunin upp á 40 til 45 milljónir króna. 

KSÍ tók á leigu svokallaða hitapylsu sem þjónar þeim tilgangi að hita upp Laugardalsvöllinn og gera hann leikfærann. Þrátt fyrir ráðstafanir og vinnu var fótboltaleikur Breiðabliks, í Sambandsdeild Evrópu, færður af Laugardalsvelli vegna hættu á frosti í vellinum. Hitapulsan dugði því ekki til.

Ákvörðunin að færa leikinn var einhliða ákvörðun UEFA, Knattspyrnusamband Evrópu, sem mat stöðu vallarins sem svo að völlurinn yrði ekki leikfær. 

Hitapulsan var leigð frá Englandi og fer hún úr landi í dag. Pulsan virkar þannig að henni er tjaldað yfir leikvöllinn og heitu lofti dælt þar inn. Hún hefur staðið fyrir sínu hingað til, þar sem Breiðablik gat leikið sinn seinasta heima leik á vellinum þann 9. Nóvember. 

Óréttlátt að KSÍ beri eitt kostnaðinn

Í umsókn KSÍ kemur fram að þau séu fullviss um „að ekkert sérsamband hér á landi hafi þurft að greiða tugi milljóna til þess að gera Þjóðarhöll/Þjóðarleikvang leikfæran. Það er ekki réttlátt að KSÍ þurfi að gera það, eitt sérsambanda.“