Markmiðið með því að leggja svokallað forvarnargjald á alla landsmenn sem eiga fasteignir í þrjú ár er að standa undir kostnaði vegna forvarnaraðgerða á Reykjanesi. Þar sem mikil óvissa sé uppi um framgang eldsumbrotanna við Grindavík sé útilokað að gera nákvæmar áætlanir fyrir fram um möguleg útgjöld ríkisins vegna málsins.

Þetta kemur fram í svari forsætisráðuneytisins við fyrirspurn Heimildarinnar um ráðstöfun þess fjár sem afla á með því að leggja forvarnargjaldið á íslenska fasteignaeigendur. 

Aðspurt hvort það liggi ljóst fyrir að þeim fjármunum sem aflað verður með álagningu skattsins verði ekki ráðstafað í önnur verkefni ríkissjóðs en að verja mikilvæga innviði á Reykjanesskaga, segir ráðuneytið að gjaldtakan sé ekki  markaður tekjustofn enda voru þeir aflagðir með lögum um breytingu á ýmsum lagaákvæðum árið 2018. „Ljóst er að útgjöld ríkissjóðs vegna jarðhræringa og mögulegra eldsumbrota verða umtalsvert meiri en sem nemur kostnaði við varnargarðinn.“

Frumvarpi um álagningu forvarnargjalds var dreift 11. …