„Frásögn dómsmálaráðherra er afar villandi“

Lög­mað­ur­inn Helgi Þor­steins­son Silva segir mál­flutn­ing dóms­mála­ráð­herra um atburða­rás­ina í Venes­ú­ela eftir að hæl­is­leit­endur voru sendir þangað frá Íslandi vill­andi. Ráð­herr­ann, Guðrún Haf­steins­dóttir, ræddi málið við mbl.is í dag en upp­lýs­inga­full­trúi ráðu­neyt­is­ins hefur neitað við­tals­beiðni Heim­ild­ar­innar. 

Í við­tal­inu segir Guðrún að hóp­ur­inn sé nú frjáls ferða sinna og að allir séu komnir með vega­bréfin sín. Heim­ildin hefur rætt við einn ein­stak­ling úr hópnum sem var sleppt í gær. 

Helgi dregur það ekki sér­stak­lega í efa að fólkið hafi verið leyst úr haldi en saknar þess að Guðrún sé látin svara fyrir önnur brot á rétt­indum fólks­ins sem það hefur sagt frá.  

„Þessi frá­sögn dóms­mála­ráð­herra er afar vill­andi því hún tekur ekki á alvar­leg­ustu ásök­un­unum sem hafa komið fram frá tugum fólks við lög­menn sína, ekki bara mig. Þær eru þær að tekið hafi verið af þeim fé og þau látin fylla út ýmis skjöl – þar á meðal að þau hafi framið föð­ur­lands­svik sem er refsi­vert brot. Hún nefnir það ekki í einu orði,“ segir Helgi. 

„Það eru pólitískar ofsóknir“

Mál­flutn­ingur ráð­herr­ans sé því ekki lýsandi fyrir ástandið. 

LögmaðurHelgi telur að all­nokkrir úr hópnum ættu að fá vernd eftir atburði mið­viku­dags­ins.

Hvað lýsir þá ástand­inu? 

„Það að vopn­aðar sveitir hafa tekið fjöl­mörg við­töl – sem eru frekar eins og yfir­heyrslur – af öllum, merkja þau og mynda í bak og fyrir. Ein­hverjar frá­sagnir eru um að það hafi verið haft af þeim fé, mjög lík­legt að þeir sem halda því enn þá muni ekki halda því mikið lengur og þetta að þau hafi verið látin skrifa undir fjölda skjala án þess að fá að kynna sér efni þeirra. Þau sem hafi þó náð að kynna sér það laus­lega hafi séð að þau hafi skrifað undir að þau hafi framið föð­ur­lands­svik. Það lýsir ástand­inu. Það eru póli­tískar ofsóknir,“ segir Helgi. 

Hann ætlar núna að senda inn við­bót­ar­rök­stuðn­ing – byggðan á aðgerðum venes­ú­el­skra stjórn­valda gagn­vart fólk­inu sem flaug til Venes­ú­ela frá Íslandi á mið­viku­dag – fyrir mál fólks sem er enn hér á landi og er í umsókn­ar­ferli um alþjóð­lega vernd eða hefur fengið neitun.

„Maður gerir ráð fyrir því að margir þeirra gætu í kjöl­farið fengið alþjóð­lega vernd,“ segir Helgi. „Þeir sem hafa fengið tvö­falda neitun, hjá Útlend­inga­stofnun og kæru­nefnd, það er eig­in­lega alveg borð­leggj­andi að rík­inu verður stefnt til ógild­ingar á þeim úrskurðum.“

Með vernd á Íslandi en staðsett í Venesúela

Hvað hóp­inn sem far­inn er úr landi varðar segir Helgi að fyrir þau sem drógu umsókn­ina sína til baka og þáðu far til Venes­ú­ela og styrk frá íslenskum stjórn­völdum sé lítið hægt að gera. 

En hvað með fólkið sem fór út og hafði fengið tvö­falda neitun?

„Þeir eru enn með umboð hjá íslenskum lög­manni og fyrir þá mun ég fara í dóms­mál þó að þeir séu komnir til Venes­ú­ela. Ef það fer þannig eins og ég held að það fari og úrskurð­ur­inn verður ógildur – þá stöndum við frammi fyrir því að þeir eru með vernd á Íslandi en séu í Venes­ú­ela.“