„Mér finnst ein­kenni­legt að þau hafi ekki bara stöðvað starf­semi Hvals hf. vegna þess­ara brota,“ segir Val­gerður Árna­dóttir, tals­kona Hvala­vina, um ákvörðun Mat­væla­eft­ir­lits­ins (MAST) um að stöðva veiðar á hval­veiði­skip­inu Hval 8 í dag tíma­bundið. 

Ákvörð­unin var tekin vegna alvar­legra brota sem MAST segir að hafi verið framin við veiðar Hvals 8 á lang­reyði. Enn má Hvalur 9, sem er gerður út af sama fyr­ir­tæki og Hvalur 8 – Hval hf., fara á veiðar. 

„Ég er ánægð með að það sé alla­vega búið að stöðva aðra drápsmask­ín­una þó að ég hefði viljað stöðva þær báðar,“ segir Val­gerður.

29 mín­útur liðu á milli fyrsta og ann­ars skut­uls sem veiði­menn á Hval 8 skutu í fyrstu lang­reyð­ina sem þeir drápu í ár. Það þýðir að það tók hana fleiri en 30 mín­útur að deyja.

Fengu nýtt verkfæri með reglugerð Svandísar

Hrönn Jör­unds­dóttir, for­stjóri MAST, segir að hertar reglur sem Svandís Svav­ars­dóttir mat­væla­ráð­herra kom á þegar hval­veiði­bannið féll úr gildi í byrjun sept­em­ber hafi gefið MAST tæki­færi til að bregð­ast við frá­vik­inu sem varð við veið­arnar. 

„Við erum alla­vega með ein­hver verk­færi í hönd­unum sem við höfðum ekki áður,“ segir Hrönn. 

Val­gerður telur sömu­leiðis útlit fyrir að reglu­gerðin sé að gera gagn. 

„Ef þetta á að vera for­dæmið þá vænt­an­lega mun það gera Krist­jáni Lofts­syni [eig­anda Hvals hf.] mjög erfitt fyrir að halda áfram sínum veiðum,“ segir Val­gerður.