Lands­prent, prent­smiðja Morg­un­blaðs­sam­stæð­unnar, hefur fest kaup á prent­vél Frétta­blaðs­ins og tengdar eignir úr þrota­búi Torgs ehf., útgáfu­fé­lags Frétta­blaðs­ins, sem lagði upp laupana fyrr á árinu.

Óskar Sig­urðs­son skipta­stjóri þrota­bús Torgs stað­festir þetta í sam­tali við Heim­ild­ina, en seg­ist ekki geta gefið upp kaup­verðið.

Guð­brandur Magn­ús­son fram­kvæmda­stjóri Lands­prents segir aðspurður í sam­tali við Heim­ild­ina að hann reikni ekki með því að prent­vélin sjálf verði rekin áfram, vænt­an­lega verði örlög hennar að verða að „ein­hverju brota­járni“. Prent­vélin hefur verið starf­rækt í við­bygg­ingu við Ísa­fold­ar­prent­smiðju í Garðabæ.

„Við vorum fyrst og fremst að ásæl­ast þarna vél­búnað og ýmsar rekstr­ar­vörur sem við gerðum til­boð í og því var tekið,“ segir Guð­brandur, sem vill ekki gefa upp hvað Lands­prent greiðir þrota­búi Torgs fyrir prent­vél­ina.

Hann segir að þær vörur sem Lands­prent ásæld­ist úr Ísa­fold­ar­prent­smiðj­unni hafi verið pappír, prent­litir, vél­bún­aður, pökk­un­ar­bún­aður úr pökk­un­ar­sal, bindi­vélar, plast­vélar og annar bún­aður sem fylgir prentun dag­blaða.  „Við vorum fyrst og fremst að gera til­boð í þessar vörur. Það var ekk­ert annað sem vakti fyrir okkur,“ segir Guð­brandur.

Prent­smiðjaÚr prent­smiðju Frétta­blaðs­ins í dag.

Mynd: h4fdís

En hvað ætliði að gera, þið fáið vænt­an­lega fullt af vél­bún­aði sem varla nýt­ist nokkuð, er það? 

„Við tökum það sem við getum notað og hitt verður að ein­hverju brota­járni hugsa ég,“ segir fram­kvæmda­stjór­inn. Það er því útlit fyrir að Lands­prent verði eina prent­smiðjan á land­inu sem getur prentað frétta­blöð.

Ísa­fold­ar­prent­smiðja gerði einnig til­boð í prent­vél­ina, en það var lægra en til­boð Lands­prents. Kjartan Kjart­ans­son fram­kvæmda­stjóri prent­smiðj­unnar seg­ist ekki vilja ræða málið við Heim­ild­ina og vill heldur ekki gefa upp hversu hátt til­boð Ísa­fold­ar­prent­smiðju í prent­vél­ina og til­heyr­andi varn­ing var.

Dag­blaða­prentunÍ dag var haf­ist handa við að rífa niður prent­smiðj­una og flytja hana og aðrar vélar, þessar stærðar papp­írs­rúllur sem sjást í bak­grunni mynd­ar­innar hér að ofan og aðrar eignir sem Lands­prent hefur keypt úr húsa­kynnum Ísa­fold­ar­prent­smiðju.

Mynd: h4fdís

Mynd: h4fdís

Tengdir aðilar hafa hlaðið upp skuldum gagnvart Landsprenti

Móð­ur­fé­lag Morg­un­blaðs­sam­steypunnar heitir Þórsmörk. Útgáfu­fé­lagið Árvakur og Lands­prent eru bæði dótt­ur­fé­lög Þórs­merkur, í kjöl­far breyt­inga sem gerðar voru á sam­stæð­unni í sept­em­ber í fyrra, en áður var Lands­prent dótt­ur­fé­lag Árvakurs.

Við þessar breyt­ingar á upp­bygg­ingu sam­stæð­unnar lét Árvakur af hendi eignir sem voru metnar á 997 millj­ónir króna og skuldir upp á 721 milljón króna. Eignin sem færð var yfir var bók­fært virði Lands­prents, en skuldin sem færð­ist yfir á Þórsmörk var að uppi­stöðu skuld Árvakurs við Lands­prent, sem hefur vaxið stöðugt á síð­ustu árum.

Eftir skipt­ing­una fóru eignir Árvak­urs, sem á Morg­un­blað­ið, mbl.is og K100 og tengda miðla, úr tæp­lega 2,2 millj­örðum króna í 1,2 millj­arða króna og eignir Þórs­merkur hækk­uðu að sama skapi um tæpan millj­arð króna. Áhrifin á sam­stæðu Þórs­merkur voru lítil sem engin, enda verið að færa eignir og skuldir úr einum vasa í annan.

Lands­prentPrent­smiðja Lands­prents við Hádeg­is­móa er sú langstærsta á land­inu.

Mynd: Heiða Helga­dóttir

Árvakur er á meðal stærstu við­skipta­vina Lands­prents sem átti kröfur á tengd félög upp á 730,3 millj­ónir króna í lok árs 2021. Þær kröf­ur, sem voru á Árvak­ur, uxu um 410,2 millj­ónir króna á tveimur árum, frá byrjun árs 2020 og út árið 2021. Með því spar­aði Árvakur sér greiðslur tíma­bund­ið, en stórjók skuldir sínar við félag í sinni eig­u.

Með því að færa stærstan hluta af skuldum Árvakurs við Lands­prent upp í móð­ur­fé­lagið lækk­uðu skuldir sjálfs útgáfu­fé­lags­ins útgáfu­fé­lags­ins við prent­smiðj­una niður í 89 millj­ónir króna.

Fyr­ir­vari um hags­muni: Heim­ildin er gefin út í prentút­gáfu sem prentuð er í Lands­prenti.