Verð­bólgan snertir fólk með mis­jöfnum hætti og er það ekki síst þess vegna sem fólk hefur ólíkar vænt­ingar til þess hvernig hún þró­ist til fram­tíðar. Sá sem greiðir vísi­tölu­tengda leigu eða borgar breyti­lega vexti af óverð­tryggðu íbúða­láni finnur mjög mikið fyrir verð­lags­breyt­ing­unum og við­brögðum Seðla­bank­ans við þeim, á meðan sá sem lítið eða ekk­ert skuldar tekur helst eftir því að geta lagt minna fyrir um hver mán­aða­mót, fremur en að þurfa að fara í gagn­gerar breyt­ingar á eigin neyslu­hegðun. 

Fylgist meðRannveig Sig­urð­ar­dóttir, vara­seðla­banka­stjóri pen­inga­stefnu, situr í pen­inga­stefnu­nefnd sem ákvarðar stýri­vexti Seðla­banka Íslands.

Mynd: Hlíf Una

„Mæli­kvarð­arnir eru með kostum og göllum og ég get alveg hugsað mér ein­hverja betri en maður lærir smám saman hvað þeir segja, miðað við hvað gerð­ist síðan. En til dæmis verð­bólgu­vænt­ingar heim­ila, þær eru yfir­leitt miklu hærri en ann­arra, en það er bara af því að heim­ilin eru með mis­mun­andi neyslukörfu. Þau horfa kannski …