Þessi grein birtist fyrir meira en 2 árum.

Hleypa fólki að gosinu

Fólk sem vill berja eld­gos­ið við Litla Hrút aug­um þarf að ganga sam­tals um 20 kíló­metra. Ein­ung­is er hægt að ganga frá Suð­ur­strand­ar­vegi en ekki frá öðr­um veg­um eða vega­slóð­um. Göngu­fólk er beð­ið um að vera sér­stak­lega vel und­ir­bú­ið.

Hleypa fólki að gosinu
Nýtt hraun Göngufólk getur nú lagt leið sína að sérstökum útsýnisstað þar sem hægt er horfa á eldgosið sem hófst í gær. Mynd: AFP

Búið að er opna fyrir ferðir fólks að sérstökum útsýnispunkti þar sem hægt er að horfa yfir eldgosið sem hófst síðdegis á mánudag. Einungis er hægt að ganga frá Suðurstrandarvegi en ekki frá öðrum vegum eða vegaslóðum. Þetta kemur fram í tilkynningu frá Úlfari Lúðvíkssyni lögreglustjóra á Suðurnesjum.

Viðbragðsaðilar kalla leiðina sem um ræðir Meradalaleið en hún er merkt inn á kortið hér að neðan með bláum lit. Ganga fram og til baka er um 20 kílómetrar í heildina og sérstaklega er tekið fram að hún henti þar af leiðandi ekki öllum. Í tilkynningunni segir að Veðurstofan muni fljótlega gefa út uppfært hættukort af svæðinu.

MeradalaleiðGöngufólk þarf að ganga frá Suðurstrandavegi eftir bláu línunni, hinni svokölluðu Meradalaleið, að sérstökum útsýnisstað.

„Mikilvægt er að hafa í huga að gossvæðið er hættulegt svæði þar sem aðstæður geta breyst skyndilega. Lögregla varar fólk við að dvelja nærri gosstöðvunum vegna gasmengunar. Hætta eykst þegar vind lægir. Þá geta lífshættulegar gastegundir safnast í dældum og geta reynst banvænar. Nýjar gossprungur geta opnast með litlum fyrirvara og glóandi hraun getur fallið úr hraunjaðri og hröð og skyndileg framhlaup orðið þar sem nýjar hrauntungur brjótast fram sem erfitt getur verið að forðast á hlaupum,“ segir í tilkynningu lögreglunnar.

Göngufólk fari að öllu með gát

Þeim tilmælum er beint til fólks að klæða sig eftir veðri, að hafa með sér nesti og ekki síst vel hlaðinn farsíma. Þó er ekki hægt að tryggja öruggt samband farsíma á svæðinu. Göngufólk er enn fremur beðið um að fylgjast vel með fréttaflutningi og upplýsingum frá Almannavörnum og Veðurstofu Íslands. Þar að auki megi finna upplýsingar á safetravel.is.

Hægt er að fylgjast með loftgæðum á vef sem Umhverfisstofnun heldur úti, loftgaedi.is. Þar má einnig finna hlekk á textaspá frá Veðurstofu Íslands fyrir gasmengun.

Kjósa
5
Hvernig finnst þér þessi grein? Skráðu þig inn til að kjósa.

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Eldgos við Litla-Hrút

Fóru á rafmagnshjólastólum í átt að glóandi hrauninu
FréttirEldgos við Litla-Hrút

Fóru á raf­magns­hjóla­stól­um í átt að gló­andi hraun­inu

Andri Val­geirs­son og Hall­grím­ur Ey­munds­son lögðu af stað í ferða­lag í átt að eld­gos­inu við Litla-Hrút á raf­magns­hjóla­stól­um um síð­ustu helgi. Ferð­in gekk stór­áfalla­laust fyr­ir sig, þó þeir hafi kast­ast að­eins til í stól­un­um vegna tor­færs lands­lags og hleðsl­an á raf­hlöð­um stól­anna hafi klár­ast á baka­leið­inni. Andri kall­ar eft­ir því að að­gengi að ís­lensk­um nátt­úruperl­um verði bætt, svo fólk sem not­ast við hjóla­stól geti feng­ið að sjá land­ið eins og gang­andi fólk.

Mest lesið

Mest lesið

Mest lesið í vikunni

Ferðamenn hafi þrengt sér „inn í það allra helgasta“
3
ViðtalFerðamannalandið Ísland

Ferða­menn hafi þrengt sér „inn í það allra helg­asta“

Börn manns sem var jarð­að­ur frá Vík­ur­kirkju í júní segja að ís­lensk­ur rútu­bíl­stjóri hafi hleypt tug­um ferða­manna út úr rútu við kirkj­una um klukku­stund fyr­ir at­höfn. Ferða­menn hafi tek­ið mynd­ir þeg­ar kist­an var bor­in inn fyr­ir at­höfn, reynt að kom­ast inn í kirkj­una og tog­að í fán­ann sem var dreg­inn í hálfa stöng.

Mest lesið í mánuðinum

Hann var búinn að öskra á hjálp
2
Viðtal

Hann var bú­inn að öskra á hjálp

Hjalti Snær Árna­son hvarf laug­ar­dag­inn 22. mars. For­eldr­ar hans lásu fyrst um það í frétt­um að hans væri leit­að í sjón­um, fyr­ir það héldu þau að hann væri bara í göngu­túr. En hann hafði lið­ið sál­ar­kval­ir, það vissu þau. Móð­ir Hjalta, Gerð­ur Ósk Hjalta­dótt­ir, lýs­ir því hvernig ein­hverf­ur son­ur henn­ar gekk á veggi allt sitt líf, og hvernig hann veikt­ist svo mik­ið and­lega að þau voru byrj­uð að syrgja hann löngu áð­ur en hann var dá­inn.
Ferðamenn hafi þrengt sér „inn í það allra helgasta“
6
ViðtalFerðamannalandið Ísland

Ferða­menn hafi þrengt sér „inn í það allra helg­asta“

Börn manns sem var jarð­að­ur frá Vík­ur­kirkju í júní segja að ís­lensk­ur rútu­bíl­stjóri hafi hleypt tug­um ferða­manna út úr rútu við kirkj­una um klukku­stund fyr­ir at­höfn. Ferða­menn hafi tek­ið mynd­ir þeg­ar kist­an var bor­in inn fyr­ir at­höfn, reynt að kom­ast inn í kirkj­una og tog­að í fán­ann sem var dreg­inn í hálfa stöng.

Mest lesið í mánuðinum

Nýtt efni

Mest lesið undanfarið ár