Þessi grein birtist fyrir meira en 2 árum.

Ástráður á meðal sex umsækjenda um embætti ríkissáttasemjara

Sex manns sækj­ast eft­ir embætti rík­is­sátta­semj­ara, sem aug­lýst var í upp­hafi mán­að­ar. Þeirra á með­al eru lektor við við­skipta­deild HR, sett­ur rík­is­sátta­semj­ari og formað­ur og fram­kvæmda­stjóri Fé­lags ís­lenskra nátt­úru­fræð­inga.

Ástráður á meðal sex umsækjenda um embætti ríkissáttasemjara
Settur sátti Ástráður Haraldsson héraðsdómari er einn þeirra sex sem sækjast eftir embætti ríkissáttasemjara. Mynd: Ríkissáttasemjari

Settur ríkissáttasemjari, Ástráður Haraldsson, er á meðal þeirra sex einstaklinga sem sækjast eftir því að gegna embætti ríkissáttasemjara. Embættið var auglýst laust til umsóknar í byrjun mánaðarins, í kjölfar þess að Aðalsteinn Leifsson sagði sig frá embættinu. 

Nú hefur listi yfir umsækjendur verið birtur á vef stjórnarráðsins.

Auk Ástráðs sækjast þau Aldís Guðný Sigurðardóttir, lektor við viðskiptadeild HR og forstöðumaður MBA-náms, Hilmar Már Gunnlaugsson lyfjafræðingur, Maríanna Hugrún Helgadóttir formaður og framkvæmdastjóri Félags íslenskra náttúrufræðinga, Muhammad Abu Ayub vaktstjóri og Skúli Þór Sveinsson sölumaður, eftir embættinu.

Á vef stjórnarráðsins segir að hæfni umsækjenda verði metin af ráðgefandi hæfnisnefnd sem skipuð er á grundvelli laga um réttindi og skyldur starfsmanna ríkisins. Félags- og vinnumarkaðsráðherra mun að því búnu skipa í embættið til fimm ára.

Fyrrverandi ríkissáttasemjari, Aðalsteinn Leifsson, gegndi embættinu frá 1. apríl 2020, eða í rúm þrjú ár. Ástráður Haraldsson var settur ríkissáttasemjari við brotthvarf hans úr embættinu, en Ástráður hafði áður leyst Aðalstein af sem ríkissáttasemjari í deilu Eflingar og Samtaka atvinnulífsins í upphafi ársins.

Kjósa
7
Hvernig finnst þér þessi grein? Skráðu þig inn til að kjósa.

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Mest lesið

Mest lesið í vikunni

Mest lesið í mánuðinum

Ferðamenn hafi þrengt sér „inn í það allra helgasta“
5
ViðtalFerðamannalandið Ísland

Ferða­menn hafi þrengt sér „inn í það allra helg­asta“

Börn manns sem var jarð­að­ur frá Vík­ur­kirkju í júní segja að ís­lensk­ur rútu­bíl­stjóri hafi hleypt tug­um ferða­manna út úr rútu við kirkj­una um klukku­stund fyr­ir at­höfn. Ferða­menn hafi tek­ið mynd­ir þeg­ar kist­an var bor­in inn fyr­ir at­höfn, reynt að kom­ast inn í kirkj­una og tog­að í fán­ann sem var dreg­inn í hálfa stöng.

Mest lesið í mánuðinum

Nýtt efni

Mest lesið undanfarið ár