Sjónvarpsstjóri gjaldþrota N4 til Byggðastofnunar

Byggð­stofnun hefur ráðið Maríu Björk Ingva­dóttur í tíma­bundið starf við að auka upp­lýs­inga­miðlun af verk­efnum stofn­un­ar­innar. Hún á meðal ann­ars að stýra vef og sam­fé­lags­miðlum stofn­un­ar­innar, miðla fréttum til fjöl­miðla og fræða starfs­fólk um hvernig það geti aukið sýni­leika Byggða­stofn­unar. María Björk starf­aði síð­ast sem fram­kvæmda­stjóri sjón­varps­stöðv­ar­innar N4, sem tekin var til gjald­þrota­skipta í byrjun febr­úar.

Í til­kynn­ingu um ráðn­ing­una á vef Byggða­stofn­unar er haft eftir Arnari Má Elí­assyni, for­stjóra stofn­un­ar­innar, að nýbúið sé að ljúka umfangs­mik­illi stefnu­mótum og að hluti nýrrar stefnu sé að auka sýni­leika. Kynna þurfi „þau þýð­ing­ar­miklu og fjöl­breytttu verk­efni sem hér eru unnin frekar fyrir lands­mönnum öllum“. 

Byggða­stofnun var einn hlut­hafi sjón­varps­stöðv­ar­innar í gegnum sam­eig­in­legt fjár­fest­inga­fé­lag sitt og Síld­ar­vinnsl­unar í Nes­kaup­stað. Stofn­unin átti einnig í við­skiptum við sjón­varps­stöð­ina og keypti af henni þjón­ustu; svo sem við fram­leiðslu á kynn­ing­ar­efni um verk­efni stofn­un­ar­innar. María Björk er því kunnug starf­sem­inni en undir hennar stjórn fram­leiddi sjón­varps­stöðin innslög á borð við Hvað gerir Byggða­stofnun?

Byggða­stofnun lét N4 líka fram­leiða myndefni og mynd­bönd fyrir árs­fund stofn­un­ar­innar. 

María Björk var upp­haf­lega ráðin til N4 árið 2013 en tveimur árum síðar var hún orðin fram­kvæmda­stjóri fyr­ir­tæk­is­ins við hlið Hildu Jönu Gísla­dóttur,  sem síðar hvarf til ann­arra starfa og María stóð ein eftir. Rekst­ur­inn gekk þó brös­ug­lega og var að stórum hluta kost­aður með sam­starfs­samn­ingum við sveit­ar­fé­lög víða um land, sem borg­uðu sjón­varps­stöð­inni fyrir umfjöllun, og kost­uðum umfjöll­unum af fyr­ir­tækjum. Í jan­úar síð­ast­liðnum var hins vegar ljóst að sveit­ar­fé­lögin væru ekki lengur til í tangó. 

Norð­ur­þing, Akureyri og Fjalla­byggð höfn­uðu til að mynda erindi sem María Björk hafði sent þeim um sam­starf um frétta­flutn­ing af svæð­inu. Í erind­inu kom fram að 4,6 millj­ónir hefðu þegar feng­ist frá sveit­ar­fé­lögum vegna fram­leiðslu á þætt­inum Að norðan en að búið væri að taka upp efni fyrir þann pen­ing. Nú þyrfti meira. 

Bréfið var dag­sett 9. des­em­ber en viku áður hafði hún skrifað bréf til fjár­laga­nefndar og beðið um fjár­stuðn­ing rík­is­ins. Það bréf varð til þess að meiri­hluti fjár­laga­nefndar ákvað að eyrna­merkja N4 100 millj­ónir króna. Það féll þó í grýttan jarð­veg og var fjár­laga­nefnd gerð aft­ur­reka með það. Hundrað millj­ón­unum var þó auka­lega varið í almenna fjöl­miðla­styrki.