Þessi grein birtist fyrir meira en 2 árum.

Leigufélagið Alma vill sækja þriggja milljarða fjármögnun

Alma leigu­fé­lag held­ur áfram að bjóða fjár­fest­um upp á skulda­bréf og víxla til að fjár­magna fé­lag­ið. Stjórn­ar­formað­ur fé­lags­ins, Gunn­ar Þór Gísla­son, hef­ur sagt að snið­ganga líf­eyr­is­sjóða á fé­lag­inu grafi und­an hús­næð­is­mark­aðn­um en Alma hef­ur reynt að fá þá til að fjár­festa í fé­lag­inu. Formað­ur VR. Ragn­ar Þór Ing­ólfs­son, er á önd­verð­um meiði og seg­ir líf­eyr­is­sjóð­ina eiga að snið­ganga Ölmu.

Leigufélagið Alma vill sækja þriggja milljarða fjármögnun
Umræða um Ölmu og lífeyrissjóðina Nokkur umræða hefur verið um réttmæti þess að lífeyrissjóðir fjárfesti í leigufélaginu Ölmu, sem Gunnar Þór Gíslason, á. Alma hefur höfðað til lífeyrissjóðanna við útgáfu skuldabréfa og víxla.

Íbúðafélagið Alma heldur útboð á víxlum í vikunni til að fjármagna félagið. Útboðið er upp á að allt 3 milljarða króna og býður félagið hæstu mögulegu vexti. Um er að ræða lokað útboð sem er aðeins fyrir hæfa fjárfesta og fagfjárfesta. Greint er frá útboðinu í tilkynningu frá félaginu. Útboðið bendir til að Alma eigi í nokkrum erfiðleikum með að fjármagna sig þar sem vextirnir sem boðið er upp á eru svo háir. Um er að ræða skammtímafjármögnun til þriggja mánaða. 

Ljóst er að Alma er meðal annars að reyna að höfða til lífeyrissjóða í útboðinu en nokkur umræða hefur verið um fjárfestingar þeirra í skuldabréfum og víxlum Ölmu. Félagið hefur reynt að fá lífeyrissjóðina, meðal annars Lífeyrissjóð Verslunarmanna, til að fjárfesta í skuldabréfum félagsins en án árangurs. Lífeyrissjóðurinn Festa er einn sjóður sem hefur fjárfest í félaginu, fyrir tæplega 3 milljarða króna. 

„Það er bara gríðarlega mikilvægt að eftirlaunasjóðirnir okkar verði ekki notaðir til að fjárfesta í neinu sem tengist þessari siðlausu fjölskyldu.“
Ragnar Þór Ingólfsson,
formaður VR

Gagnrýnir tal um sjóðirnir sniðgangi Ölmu

Alma leigufélag hefur verið umtalað á síðustu mánuðum í kjölfarið á fregnum af stífum leiguhækkunum hjá félaginu í lok síðasta árs, bæði hjá íslenskum leigjendum sem og hjá flóttamönnum frá Úkraínu. Síðan þá hefur verið talsverð umræða um félagið og hafa forsvarsmenn þess reynt að réttlæta leiguhækkanirnar. Í maí skrifaði Gunnar Þór Gíslason, stjórnarformaður og stærsti hluthafi Ölmu, meðal annars grein á Vísi sem hann kallaði „Málsvörn leigusala

Í greininni sagði Gunnar Þór meðal annars að ekki væri gott að sumir verkalýðsforingjar hafi kallað eftir því að lífeyrissjóðir ættu að sniðganga skuldabréf Ölmu. „Sumir verkalýðsforingjar og aðrir sjálfskipaðir talsmenn leigjenda sem hafa haft sig mest í frammi í umræðunni um leigumarkaðinn hafa talað fyrir leiguþaki eða leigubremsu. Það hafa einnig komið fram kröfur úr sömu átt að lífeyrissjóðir skuli selja öll skuldabréf sem þeir eiga í Ölmu og alls ekki taka þátt í frekari fjármögnun félagsins. Slík „úrræði“ munu aðeins draga úr framboði á leiguhúsnæði og auka vandann á húsnæðismarkaði til lengri tíma litið.“

Mikilvægt að taka ekki þáttRagnar Þór Ingólfsson, formaður VR, segir mikilvægt að lífeyrissjóðirnir taki ekki þátt í fjármögnun Ölmu leigufélags.

Lífeyrissjóðirnir haldi að sér höndum

Með þessum orðum var Gunnar Þór meðal annars að vísa til þess sem Ragnar Þór Ingólfsson, formaður VR, hefur sagt um fjárfestingar í Ölmu en hann hefur talað gegn því að Lífeyrissjóður verslunarmanna fjárfesti í félaginu. VR er skipunaraðili í stjórn sjóðsins. „Við sem skipunaraðilar í stjórn sjóðsins höfum eftirlitshlutverki að gegna og framganga Ölmu brýtur gegn öllum þeim viðmiðum sem stjórnin hefur sett sér. Við munum því klárlega tala gegn því að sjóðurinn fjárfesti í félögum eins og Ölmu þó við ráðum því auðvitað ekki ein á endanum.“

Aðspurður um þetta víxlaútboð Ölmu segir Ragnar Þór að hann muni áfram beita sér gegn því, þrátt fyrir umræðu og rökstuðning Gunnars Þórs fyrir fjárfestingum lífeyrissjóða í félaginu, að sjóðirnir setji fé í Ölmu. „Það er bara gríðarlega mikilvægt að eftirlaunasjóðirnir okkar verði ekki notaðir til að fjárfesta í neinu sem tengist þessari siðlausu fjölskyldu.“

Þriðja sjónarmiðið, kom fram í máli Baldurs Stefánssonar hjá eignastýringu Festu lífeyrissjóðs í viðtali. Hann fer bil þeirra beggja, Gunnars Þórs og Ragnars, þar sem hann segist skilja gagnrýni á Ölmu á sama tíma og hann segir að lífeyrissjóðir þurfi að fjármagna leigufélögin í landinu. „Þetta er vandrataður vegur. Ef lífeyrissjóðirnir myndu allir bara alls ekki fjármagna leigufélögin þá er snúið að þau gætu verið til,“ sagði hann í lok síðasta árs. 

Óljóst af hverju Alma þarf þessa fjármögnun

Út frá tilkynningunni um útboðið er óljóst til hvers Alma þarf hana, í hvað á að nota peningana. Vextirnir sem félagið greiðir fyrir fjármögnunina eru hins vegar mjög háir, eins og segir í tilkynningunni: „Útboðið verður með hollenskri aðferð, þ.e. öll samþykkt tilboð bjóðast fjárfestum á hæstu samþykktu flötu vöxtum. Víxlarnir eru gefnir út í 20 m.kr. nafnverðseiningum og verða skráðir á Nasdaq Iceland. Alma íbúðafélag hf. áskilur sér rétt til þess að taka hvaða tilboði sem er eða hafna þeim öllum. Niðurstöður útboðsins verða birtar opinberlega eigi síðar en næsta virka dag eftir útboð.“ 

Alma hefur áður á þessu ári farið í víxlaútboð til skamms tíma, tveggja mánaða, og er líklegt að leigufélagið sé að rúlla skammtímavíxlum til að standa við skuldbindingar sínar í stað þess að fá langtímafjármögnun á félagið. Ekki er opinbert hvaða aðilar það eru sem kaupa skuldabréf og víxla félagsins. 

Kjósa
11
Hvernig finnst þér þessi grein? Skráðu þig inn til að kjósa.

Athugasemdir (2)

Skráðu þig inn til að skrifa athugasemd eða kjósa.
  • PB
    Páll Bragason skrifaði
    Eru Ölmumenn ekki neðal þeirra bænda sem börðust gegn tollfrjálsum innflutningi kjúklinga frá Úkraínu til að bæta afkomu sína?
    0
  • Hlynur Vilhjálmsson skrifaði
    Hagnaðardrifinn leigufélagarekstur gengur ekki upp fyrir hagsmuni samfélags. Það er of mikil græðgi á markaðnum til þess að hægt sé að leyfa fólki eins og þessum að fíflast með lífshagi venjulegs fólks.
    1
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Leigufélagið Alma

Leigufélagið Alma stærir sig af samfélagslegri ábyrgð og segir ávinning hluthafa og almennings fara saman
GreiningLeigufélagið Alma

Leigu­fé­lag­ið Alma stær­ir sig af sam­fé­lags­legri ábyrgð og seg­ir ávinn­ing hlut­hafa og al­menn­ings fara sam­an

Í nýj­um árs­reikn­ingi Leigu­fé­lags­ins Ölmu svar­ar fé­lag­ið fyr­ir leigu­verðs­hækk­an­ir sín­ar. Fé­lag­ið und­ir­strik­ar að það sé sam­fé­lags­lega ábyrgt og rök­styð­ur að hækk­an­ir leigu­verðs séu stund­um bæði eðli­leg­ar og óhjá­kvæmi­leg­ar. Fé­lag­ið hef­ur ver­ið harð­lega gagn­rýnt fyr­ir ok­ur.
Saga Olgu: „Mér líður eins og svikara“
VettvangurLeigufélagið Alma

Saga Olgu: „Mér líð­ur eins og svik­ara“

Úkraínsk­ir flótta­menn í hótel­íbúð­um Ölmu við Lind­ar­götu þurfa að flytja út úr þeim í mars. Samn­ing­ur­inn sem gerð­ur var við Ölmu er einn versti og óhag­stæð­asti leigu­samn­ing­ur sem ís­lenska rík­ið hef­ur gert. Í hús­inu búa úkraínsk­ir flótta­menn sem hafa lent sér­stak­lega illa í stríð­inu í Úkraínu. Með­al þeirra eru Olga, sem gat ekki ver­ið við­stödd jarð­ar­för for­eldra sinna vegna flótt­ans og Di­ma, en fjöl­skylda hans hef­ur þrisvar sinn­um þurft að flýja stríðs­átök Rússa.
Þúsund verðtryggðir leigusamningar skila Ölmu 230 milljónum á mánuði
GreiningLeigufélagið Alma

Þús­und verð­tryggð­ir leigu­samn­ing­ar skila Ölmu 230 millj­ón­um á mán­uði

Leigu­fé­lag­ið Alma hef­ur um eitt þús­und heim­ili til út­leigu til ein­stak­linga. Íbúð­irn­ar eru að­al­lega stað­sett­ar á höf­uð­borg­ar­svæð­inu og á Suð­ur­nesj­um; um 800 íbúð­ir. Í hverj­um mán­uði tikka 220 millj­ón­ir inn í kass­ann vegna þess­ara íbúða, auk þess sem virði þeirra hef­ur vax­ið veru­lega á síð­ustu ár­um. Nær all­ir samn­ing­ar Ölmu við ein­stak­linga eru verð­tryggð­ir.
„Það sem er mikilvægast er að við erum öll á lífi“
VettvangurLeigufélagið Alma

„Það sem er mik­il­væg­ast er að við er­um öll á lífi“

Úkraínsku flótta­menn­irn­ir Volody­myr Cherniav­skyi og kona hans, Snizh­ana Prozhoha, búa ásamt tveim­ur dætr­um sín­um í íbúð á efstu hæð­inni í blokk leigu­fé­lags­ins Ölmu í Urriða­holts­stræti í Garða­bæ. Fjöl­skyld­an flutti til Ís­lands í mars í fyrra eft­ir að rúss­neski her­inn réðst inn í Úkraínu. Þau flúðu frá Kiev land­leið­ina til borg­ar­inn­ar Lviv í vest­ur­hluta lands­ins og komu sér það­an yf­ir til Pól­lands og svo til Ís­lands. Ljós­mynd­ari Heim­ild­ar­inn­ar fékk að fylgj­ast með þeim í leik og starfi í nokk­ur skipti í byrj­un janú­ar og kynn­ast lífi þeirra á Ís­landi.

Mest lesið

Mest lesið

Mest lesið í vikunni

„Á ekki möguleika á að fá réttláta málsmeðferð“
2
Fréttir

„Á ekki mögu­leika á að fá rétt­láta máls­með­ferð“

Nauðg­un­ar­kær­an var felld nið­ur, en um­boðs­mað­ur Al­þing­is tek­ur und­ir að­finnsl­ur við rann­sókn lög­reglu, varð­andi at­riði sem hefðu getað skipt máli við sönn­un­ar­mat. Eft­ir at­hug­un á máli Guðnýj­ar S. Bjarna­dótt­ur sendi um­boðs­mað­ur Al­þing­is einnig rík­is­sak­sókn­ara ábend­ingu varð­andi varð­veislu gagna í saka­mál­um og árétt­aði mik­il­vægi þess að ákær­andi hafi öll gögn und­ir hönd­um þeg­ar hann tek­ur af­stöðu.
Komst loks í átröskunarmeðferð þegar veikindin voru orðin alvarleg
5
Viðtal

Komst loks í átrösk­un­ar­með­ferð þeg­ar veik­ind­in voru orð­in al­var­leg

El­ín Ósk Arn­ars­dótt­ir ákvað 17 ára að fara í „sak­laust átak“ til að létt­ast en missti al­gjör­lega tök­in og veikt­ist al­var­lega af átrösk­un. Hún lýs­ir bar­áttu sinni, ekki ein­ung­is við lífs­hættu­leg­an sjúk­dóm held­ur líka brot­ið heil­brigðis­kerfi þar sem fólk fær ekki hjálp fyrr en sjúk­dóm­ur­inn er orð­inn al­var­leg­ur, en dán­ar­tíðni vegna hans er sú hæsta á með­al geð­sjúk­dóma.

Mest lesið í mánuðinum

Forsprakki útifundar játaði fjárdrátt á leikskólanum Klettaborg
1
Fréttir

Forsprakki úti­fund­ar ját­aði fjár­drátt á leik­skól­an­um Kletta­borg

Sig­fús Að­al­steins­son, stofn­andi hóps­ins Ís­land - þvert á flokka, sem stend­ur fyr­ir úti­fund­um um hæl­is­leit­end­ur, ját­aði á sig fjár­drátt frá leik­skól­an­um Kletta­borg þeg­ar hann var for­stöðu­mað­ur þar. Hann vill ekki dæma hvort brot af því tagi séu nógu al­var­leg til að inn­flytj­end­ur sem gerð­ust sek­ir um þau ætti að senda úr landi.
Einhverfir á vinnumarkaði: Starfsmannaskemmtanir bara ólaunuð yfirvinna
5
Úttekt

Ein­hverf­ir á vinnu­mark­aði: Starfs­manna­skemmt­an­ir bara ólaun­uð yf­ir­vinna

Í at­vinnu­aug­lýs­ing­um er gjarn­an kraf­ist mik­illa sam­skipta­hæfi­leika, jafn­vel í störf­um þar sem þess ekki er þörf. Þetta get­ur úti­lok­að fólk, til að mynda ein­hverfa, sem búa yf­ir öðr­um mik­il­væg­um styrk­leik­um. Bjarney L. Bjarna­dótt­ir gerði tíma­mót­a­rann­sókn á þessu og legg­ur áherslu á að at­vinnu­rek­end­ur efli fötl­un­ar­sjálfs­traust.
Drengir kvörtuðu undan kennara og var meinað að sitja kennslustundir
6
Úttekt

Dreng­ir kvört­uðu und­an kenn­ara og var mein­að að sitja kennslu­stund­ir

Tólf ára gaml­ir dreng­ir leit­uðu til skóla­stjóra vegna meints of­beld­is af hálfu kenn­ara. Í kjöl­far­ið var þeim mein­að að sitja kennslu­stund­ir hjá kenn­ar­an­um. Ann­ar baðst af­sök­un­ar eft­ir tvær vik­ur og fékk þá að koma aft­ur í tíma. Hinn sætti út­skúf­un í tvo mán­uði, áð­ur en skól­an­um var gert að taka dreng­inn aft­ur inn í tíma. For­eldr­ar drengs­ins segja kerf­ið hafa brugð­ist barn­inu og leit­uðu að lok­um til lög­reglu.

Mest lesið í mánuðinum

Nýtt efni

Mest lesið undanfarið ár