Þingmenn stjórn­ar­and­stöð­unnar ósk­uðu eftir svörum frá for­sæt­is­ráð­herra í upp­hafi þing­fundar um það sem fram fór á sér­stökum auka­fundi rík­is­stjórn­ar­innar um stöð­una í efna­hags­málum í ráð­herra­bú­staðnum fyrr í dag. 

Á sér­stökum fundi rík­is­stjórn­ar­innar fyrr í dag voru fyr­ir­hug­aðar launa­hækk­anir æðstu emb­ætt­is­manna til umræðu, auk frum­varps félags- og vinnu­mark­aðs­ráð­herra um mót­væg­is­að­gerðir vegna verð­bólgu sem felur í sér breyt­ingar á lögum um almanna­trygg­ingar og hús­næð­is­bætur. 

For­sæt­is­ráð­herraKatrín Jak­obs­dóttir, for­maður Vinstri grænna og for­sæt­is­ráð­herra, gaf lítið fyrir mál­flutn­ing for­manns Við­reisnar á þing­fundi í dag.

Mynd: Davíð Þór

Katrín Jak­obs­dóttir for­sæt­is­ráð­herra boð­aði for­menn stjórn­mála­flokk­anna sömu­leiðis á fund í morgun. Lítið kom hins vegar fram á þeim fundi um fyr­ir­hug­aðar aðgerðir ef marka má orð Þor­gerðar Katrínar Gunn­ars­dóttur, for­manns Við­reisnar. „Þær eru ekki betur á veg komnar en svo að á fundi for­manna stjórn­mála­flokk­anna nú í morgun var ekki hægt að greina frá inn­taki þeirra því að það þyrfti frek­ari snún­ing í rík­is­stjórn­inni og í þing­flokk­unum og meiri hluta fjár­laga­nefndar, eins og þessi staða hafi verið að teikn­ast upp bara núna í síð­ustu viku,“ sagði Þor­gerður í óund­ir­búnum fyr­ir­spurn­ar­tíma þar sem hún beindi fyr­ir­spurn sinni til for­sæt­is­ráð­herra. 

Sinnuleysi ríkisstjórnarinnar kosti venjulegt fólk mörg hundruð þúsund krónur á dag

„Það er auð­vitað fagn­að­ar­efni að rík­is­stjórnin sé að vakna af draum­svefni um frum­jöfnuð og hag­vöxt, en hverju breytir það fyrir fólkið sem greiddi 130.000 krónur í afborgun af 40 milljón króna láni fyrir ári en borgar nú 360.000 krónur af sama láni? Sinnu­leysi for­sæt­is­ráð­herra og rík­is­stjórnar kostar venju­legt fólk mörg hund­ruð þús­und krónur á hverjum degi.“

For­sæt­is­ráð­herra sagði mál­flutn­ing for­manns Við­reisnar dæma­lausan og sak­aði Þorgerði Katrínu um minnis­leysi. „Því hér eru svo sann­ar­lega búnar að vera mót­væg­is­að­gerðir vegna stöð­unnar í efna­hags­málum allt árið,“ sagði Katrín og nefndi auk­inn hús­næð­is­stuðn­ing og hækkun almanna­trygg­inga sem dæmi. „Hér er talað eins og ekk­ert hafi verið gert, það er rangt.“

Katrín sagði aðgerðir rík­is­stjórn­ar­innar til að takast á við ástandið í efna­hags­málum miða að því að stemma stigu við þenslu. Aðgerð­irnar, að sögn for­sæt­is­ráð­herra, snúa að því að „tryggja kjör almenn­ings í þessu landi í gegnum verð­bólg­una“. 

„Ó, vakna þú, mín Þyrnirós. Og það er loks­ins að Þyrnirós er að rumska,“ sagði Þor­gerður Katrín, það væri vissu­lega fagn­að­ar­efni að rík­is­stjórnin er að vakna. Spurn­ing­unni sé þó ekki enn svarað. „Eftir 13 stýri­vaxta­hækk­anir í röð sér rík­is­stjórnin núna loks­ins tæki­færi á því að bregð­ast við til að svara fólk­inu sem fer úr 140.000 króna afborgun af láni í 360.000, af því að hún hefur ekki svarað. Hún verður að segja af hverju og hvað breytt­ist. Hvað varð til þess að hún vakn­aði af þessum þyrni­rós­ar­svefni?“

Katrín sagði mál­flutn­ing Þor­gerðar ekki stand­ast skoðun þar sem hún hafi sjálf verið mað sama mál­flutn­ing­inn um stöðu efna­hags­mála, „ óháð verð­bólgu, óháð atvinnu­á­standi, óháð hag­vexti hefur þetta verið mál­flutn­ing­ur­inn alveg frá árinu 2018. Það er ekk­ert verið að gera í efna­hags­málum og það er ekki verið að bregð­ast rétt við.“ Katrín sagð­ist þá velta því fyrir sér hvernig þing­menn Við­reisnar ætla að útskýra það að afkoma á frum­jöfn­uði sé nú 90 millj­örðum betri en gert var ráð fyrir við sam­þykkt síð­ustu fjár­laga. 

„Hvernig ætla hátt­virtir þing­menn Við­reisnar að útskýra það þegar hér er alltaf talað eins og húsið sé að brenna, sé brunnið, alveg sama hver staðan er í raun­inni í efna­hags­málum?“