Að hlusta á tón­list getur látið okkur líða vel. Að rölta um lista­safn sömu­leiðis. Undur nátt­úr­unnar eru svo sér kap­ít­uli út af fyrir sig. Við getum bók­staf­lega misst and­ann við að sjá ofan í djúpt gljúfur, inn í fjalla­sali eða sól­ina setj­ast og lita him­in­inn – og heim­inn – fögrum litum. Nú eða spú­andi eld­fjall. Allt sem vekur undrun okkar, ein­skæra aðdáun og lotn­ingu getur nært ímynd­un­ar­aflið svo um munar.

Vís­inda­menn eru nú á því, eftir ýmsar rann­sóknir síð­ustu ár og ára­tugi, að með því að leita uppi þessi ein­stöku „gæsa­húð­ar­augna­blik“ frá degi til dags getum við öðl­ast aukna ham­ingju og betri heilsu.

Banda­ríkja­mað­ur­inn Dacher Keltner hefur rann­sakað mann­lega hegðun og til­finn­ingar í fleiri ára­tugi. Hann stofn­aði í félagi við fleiri rann­sókn­ar­stofn­un­ina UC Berkeley's Greater Good Science Center og hefur auk þess skrifað bækur um rann­sóknir sínar. Og sú nýjasta, Awe: The New Science of Everyday Wonder and How It …