„Hvað á ég að hafa í mat­inn?“ og „Getur þú skrifað starfs­um­sókn fyrir mig?“ eru á meðal spurn­inga sem sam­tals­greindin ChatGPT, afurð mál­lík­ans­ins GPT-4, fer létt með að svara og ein­falda þannig líf okkar með ýmsum hætti. Um er að ræða nýj­ustu afurð banda­ríska fyr­ir­tæk­is­ins OpenAI, sem er þekkt fyrir nýstár­legar gervi­greind­ar­lausnir. Nýjasta útgáfan, GPT-4, er nokkuð lunkin í íslensku og þar hefur íslenska mál­tækni­fyr­ir­tækið Miðeind gegnt lyk­il­hlut­verki. 

Hvað er í mat­inn?Spjall­mennið ChatGPT getur aðstoðað við ýmis­legt dag­legt amstur, eins og hvað á að vera í mat­inn?

„Mögu­leik­arnir varð­andi þessa tækni tak­markast aðal­lega af hug­mynda­flugi okkar sjálfra,“ segir Katla Ásgeirs­dóttir, við­skipta­þró­un­ar­stjóri Mið­eindar. GPT-4 var kynnt í síð­ustu viku en sam­starf Mið­eindar og OpenAI hófst í kjöl­far heim­sóknar for­seta Íslands og sendi­nefndar til höf­uð­stöðva OpenAI í San Francisco síð­asta vor. 

Við­tök­urnar voru framar vonum og eru langir biðlistar eftir próf­un­ar­að­gangi að GPT-4. „Öll sem hafa áhuga á að prófa þetta …