Þessi grein birtist fyrir meira en ári.
Fréttir

„Við hér á þingi verðum að standa í lappirnar til að stoppa þetta“

Þing­mað­ur Vinstri grænna vand­aði ís­lensk­um stjórn­völd­um og sveit­ar­fé­lög­um ekki kveðj­urn­ar í ræðu sinni á Al­þingi í dag þar sem hún fjall­aði um áform um fisk­eldi í Seyð­is­firði.

„Við hér á þingi verðum að standa í lappirnar til að stoppa þetta“
Mynd: Bára Huld Beck
Bára Huld Beck
ritstjorn@heimildin.is

Jódís Skúladóttir þingmaður Vinstri grænna segir að það sé með ólíkindum að hvorki stjórnvöld, sveitarfélög eða nokkur geti ekki hlustað á 75 prósent íbúa Seyðisfjarðar sem hafni fiskeldi. 

Þetta kom fram í ræðu Jódísar undir liðnum störf þingsins á Alþingi í dag. 

„Ég er hingað kominn rétt einn sprett inn til að ávarpa þann hrylling sem er að gerast í mínu sveitarfélagi. Það er áform um fiskeldi í Seyðisfirði,“ sagði hún. 

Allir að hlaupa á eftir einhverri arðsemiskröfu

Benti þingmaðurinn á að innviðaráðherra, Sigurður Ingi Jóhannsson, hefði staðfest á dögunum tillögu svæðisráðs Austfjarða að strandsvæðaskipulagi fyrir Austfirði.

„Það er með ólíkindum að hvorki stjórnvöld, sveitarfélög eða nokkur geti hlustað á 75 prósent íbúanna sem hafna þessu. Það getur ekki staðist að þessu verði þrýst í gegn af kröfu erlendra fjárfesta. Hér koma þingmenn dag eftir dag og tala um örmagna þjóð, uppgefin ungmenni í menntaskólum, slæma stöðu geðheilbrigðismála. Staðan er sú að við erum öll að hlaupa á eftir einhverri arðsemiskröfu. Það þarf að keyra yfir lýðræði, það þarf að keyra yfir allt til þess bara að mæta þessari þörf,“ sagði hún og sló í ræðupúltið. 

Engin eftirspurn eftir fiskeldi nema frá erlendum fjárfestum

Jódís biðlaði til þingmanna Norðausturkjördæmis að „standa í lappirnar“ með vilja íbúanna. Sameining Múlaþings byggði á því að hvert sveitarfélag fengi að halda sínum séreinkennum. 

„Á Seyðisfirði hefur árum og áratugum saman verið unnið að uppbyggingu menningar, lista, náttúruverndar og svo mörgu öðru. Það er talað um fjölbreytt atvinnulíf í Seyðisfirði sem er fiskvinnsla. Þar er landbúnaður. Það er engin eftirspurn eftir fiskeldi nema frá erlendum fjárfestum og sveitarstjórnarfólk og við hér á þingi verðum að standa í lappirnar til að stoppa þetta,“ sagði hún að lokum. 

„Heyr, heyr,“ mátti heyra í öðrum þingmönnum þegar Jódís lauk máli sínu. 

Kjósa
39
Hvernig finnst þér þessi grein? Skráðu þig inn til að kjósa.
Efnisorð

Athugasemdir (3)

Skráðu þig inn til að skrifa athugasemd eða kjósa.
  • Hlynur Hallsson skrifaði
    15. mars 2023 16:37
    Mjög gott og þarft hjá Jódísi. Það er ekkert minna en skandall ef sjókvíaeldi verður leyft í Seyðsifirði þvert á alla skynsemi og í trássi við mikinn meirihluta íbúa. Það verður að stoppa þetta rugl.
    0
  • M
    magnus.tm skrifaði
    14. mars 2023 17:34
    Minni líka á að Jens Garðar Helgason aðstoðarframkvæmdastjóri Ice Fish Farm sagði á íbúafundi á Seyðisfirði í mars í fyrra, að hann vildi ekki fara í fiskeldið í Seyðisfirði í andstöðu við íbúa. Heiðrún Lind Matthíasdóttir sagði það sama í Silfrinu í lok janúar. Þetta fólk verður að standa við sín orð og draga umsókn um sjókvíaeldi í Seyðisfirði til baka umsvifalaust. Jens Garðar er enda "formaður stýrihóps um landsáætlun um aðlögun að loftslagsbreytingum", eins og kemur fram í frétt Heimildarinnar þann 14.02.2023😏
    2
  • M
    magnus.tm skrifaði
    14. mars 2023 17:34
    Takk Jódís og vonandi hlusta kollegar þínir á Alþingi og þar með ráðherrar á þín rök og grípa í taumana. Það var sveitarstjórn Múlaþings sem gerði könnunina og á morgun reynir á hvernig hún bregst við. Það er vitað að minnihlutinn stendur með íbúunum, en hvað gerir meirihluti Sjáfstæðisflokks og Framsóknar? Skrýtið ef sá meirihluti hundsar afgerandi niðurstöðu eigin könnunar. Endilega deilið þessu út um allt.
    2
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Íslendingar þurfi að ákveða hvar þeir staðsetja sig: „Þetta eru mjög válegir tímar“
4
ViðtalBandaríki Trumps

Ís­lend­ing­ar þurfi að ákveða hvar þeir stað­setja sig: „Þetta eru mjög vá­leg­ir tím­ar“

Pól­skipti hafa átt sér stað í vest­rænu varn­ar­sam­starfi með skyndi­legri stefnu­breyt­ingu Banda­ríkj­anna í ut­an­rík­is­mál­um, seg­ir Erl­ing­ur Erl­ings­son hern­að­ar­sagn­fræð­ing­ur. Hætta geti steðj­að að Ís­landi en Banda­rík­in hafi sýnt að þau séu óút­reikn­an­leg og beri ekki virð­ingu fyr­ir leik­regl­um al­þjóða­kerf­is­ins.

Mest lesið

Mest lesið í vikunni

Einn og hálfur tími á bráðamóttöku: Sjálfsskaði, hjartastopp og hnífstunga
4
Á vettvangi

Einn og hálf­ur tími á bráða­mót­töku: Sjálfsskaði, hjarta­stopp og hnífstunga

Eitt orð má aldrei nota á bráða­mót­töku Land­spít­al­ans og það er orð­ið ró­legt. Nán­ast um leið og Jón Ragn­ar Jóns­son bráða­lækn­ir hef­ur orð á að það sé óvenju ró­legt á næt­ur­vakt eina helg­ina dynja áföll­in á. Hann hef­ur rétt kom­ið manni til lífs þeg­ar neyð­ar­bjall­an hring­ir á ný. Síð­an end­ur­tek­ur sama sag­an sig.

Mest lesið í mánuðinum

Mest lesið í mánuðinum

Nýtt efni

Íslendingar þurfi að ákveða hvar þeir staðsetja sig: „Þetta eru mjög válegir tímar“
ViðtalBandaríki Trumps

Ís­lend­ing­ar þurfi að ákveða hvar þeir stað­setja sig: „Þetta eru mjög vá­leg­ir tím­ar“

Pól­skipti hafa átt sér stað í vest­rænu varn­ar­sam­starfi með skyndi­legri stefnu­breyt­ingu Banda­ríkj­anna í ut­an­rík­is­mál­um, seg­ir Erl­ing­ur Erl­ings­son hern­að­ar­sagn­fræð­ing­ur. Hætta geti steðj­að að Ís­landi en Banda­rík­in hafi sýnt að þau séu óút­reikn­an­leg og beri ekki virð­ingu fyr­ir leik­regl­um al­þjóða­kerf­is­ins.
Atlantshafsbandalagið í sinni mestu krísu: Fjölþáttakrísa siðmenningarinnar
Greining

Atlants­hafs­banda­lag­ið í sinni mestu krísu: Fjöl­þáttakrísa sið­menn­ing­ar­inn­ar

Atlants­hafs­banda­lag­ið Nató er í sinni mestu krísu frá upp­hafi og er við það að lið­ast í sund­ur. Banda­rík­in, stærsti og sterk­asti að­ili banda­lags­ins, virð­ast mögu­lega ætla að draga sig út úr varn­ar­sam­starf­inu. Þau ætla, að því er best verð­ur séð, ekki leng­ur að sinna því hlut­verki að vera leið­togi hins vest­ræna eða frjálsa heims. Ut­an­rík­is­stefna þeirra sem nú birt­ist er ein­hvers kon­ar blanda af henti­stefnu og nýrri ný­lendu­stefnu með auð­linda-upp­töku. Fjöl­þáttakrísa (e. polycris­is) ræð­ur ríkj­um.

Mest lesið undanfarið ár