Sam­býl­is­kona og barns­móðir manns­ins sem kom við sögu í lög­reglu­að­gerðum á Sauð­ar­króki í gær er nú í felum eftir að hafa ótt­ast um líf sitt. Hún fór af sam­eig­in­legu heim­ili þeirra á sunnu­dag, og tók tvö börn þeirra með sér, en mað­ur­inn mun áður hafa beitt hana ofbeldi.

Samkvæmt upp­lýs­ingum sem blaða­maður Heim­ild­ar­innar hefur aflað fór sam­býl­is­konan til lög­regl­unnar í gær og gaf skýrslu vegna ofbeldis og hót­ana í garð hennar. Í fram­haldi af því hafi lög­reglan ákveðið að grípa til þeirra aðgerða sem áttu sér stað í gær. 

Sagðist vilja „frí í sextán ár á Hrauninu“

Maðurinn hafi þá verið búinn að senda fjölda fólks trufl­andi skila­boð, meðal ann­ars um að hann vildi drepa „ákveðið fólk“ með skot­vopni og að hann vilji fá „frí í sextán ár á Hrauninu,“ eins og heim­ild­ar­maður orðar það. Maðurinn hafi ekki nafn­greint fólkið sem hann hafi viljað drepa en sam­kvæmt upp­lýs­ingum Heim­ild­ar­innar hafi fólk talið aug­ljóst að hann ætti þar við sam­býl­is­konu sína og fyrr­ver­andi sam­býl­is­konu sína, en hann á börn með þeim báðum.

Árið 2019 var mað­ur­inn dæmdur í Hér­aðs­dómi Reykja­ness til að greiða umræddri fyrr­ver­andi sam­býl­is­konu sinni skaða­bætur vegna þess að hann afhenti henni ekki búslóð hennar, í sam­ræmi við úrskurð dóm­stóls­ins, eftir að konan fór af heim­ili þeirra og leit­aði í Kvenna­at­hvarfið með börn þeirra. Í því máli lágu fyrir útprent­anir af Facebook-aug­lýs­ingum þar sem mað­ur­inn aug­lýsti til sölu ýmsa muni í eigu fyrr­ver­andi kon­unnar, sem sem ilm­vötn, kven­manns­veski og snyrti­vörur. 

Fór mikinn á samfélagsmiðlum

Maðurinn fór mik­inn á Facebook-síðu sinni í gær þar sem hann meðal ann­ars sak­aði nafn­greinda ein­stak­linga um refsi­verða hluti. Um tíma voru þar einnig aðgengi­leg afrit af öllum skrif­legum sam­skiptum hans og sér­sveit­ar­innar. Af skrif­unum að dæma var mað­ur­inn í miklu and­legu ójafn­vægi.

Lög­reglan á Norð­ur­landi vestra hefur varist frétta af mál­inu og gaf eft­ir­far­andi út á Facebook-síðu sinni í gær:

„Um miðjan dag í dag, 8. febr­úar, bár­ust lög­regl­unni á Norð­ur­landi vestra upp­lýs­ingar sem gáfu til­efni til að lög­regla greip til aðgerða á Sauð­ár­króki til að tryggja alls­herj­ar­reglu. Við þær aðgerðir naut emb­ættið aðstoðar emb­ættis rík­is­lög­reglu­stjóra og lög­regl­unnar á höf­uð­borg­ar­svæð­inu.

Aðgerðum lög­reglu er lokið. Enginn var hand­tek­inn vegna máls­ins og ekki er grunur um ætl­aða refsi­verða hátt­semi.

Að gefnu til­efni skal tekið fram að ekki var um „umsátur“ að ræða og harmar emb­ættið slíkan frétta­flutn­ing.

Lög­reglan á Norð­ur­landi vestra mun ekki upp­lýsa frekar um málið vegna eðlis þess og við­kvæmni.“