Verk­falls­að­gerðir félags­manna Eflingar munu skella á hjá tveimur hót­el­keðjum og hjá starfs­mönnum sem starfa við akstur vöru­bif­reiða og olíu­dreif­ingu í næstu viku. Þetta liggur fyrir eftir að yfir 80 pró­sent þeirra sem greiddu atkvæði um aðgerð­irnar sam­þykktu þær í kosn­ingu sem lauk fyrr í dag.

Um er að ræða verk­fall á hót­el­keðj­unni Berjaya Hotels og nær það til um fjögur hund­ruð Efl­ing­ar­fé­laga. Að auki verður verk­fall á hót­el­inu Reykja­vík Edition þar sem starfa á annað hund­rað félags­menn í Eflingu.

Þá var sam­þykkt verk­fall hjá Sam­skipum, sem tekur til alls vöru­bif­reiða­akst­urs frá höf­uð­stöðvum fyr­ir­tæk­is­ins í Sunda­höfn, og hjá Olíu­dreif­ingu og Skelj­ungi, bæði vegna akst­urs en einnig ann­arra starfa. Þau fyr­ir­tæki sjá um allan flutn­ing frá stærstu olíu­birgða­stöð lands­ins, í Örfirisey.

Í til­kynn­ingu á vef Eflingar segir að á meðal bíl­stjóra hjá Sam­skipum, Olíu­dreif­ingu og Skelj­ungi hafi 57 greitt atkvæði, eða 77 pró­sent af þeim 74 Efl­ing­ar­fé­lögum sem voru á kjör­skrá. 48 greiddu atkvæði með, sjö á móti og tvier tóku ekki afstöðu. Verk­falls­boð­unin var því sam­þykkt með rúm­lega 84 pró­sent atkæða.

Á Edition hót­el­inu og hjá Berjaya hót­el­keðj­unni voru 487 á kjör­skrá. Þar af greiddu 255 atkvæði eða rúm 52 pró­sent. 209 sam­þykktu, 40 höfn­uðu og sex tóku ekki afstöðu. Verk­falls­boðun er því sam­þykkt með rétt tæp­lega 82 pró­sent atkvæða.

Atkvæða­greiðsl­urnar voru aug­lýstar 31. jan­úar eftir að samn­inga­nefnd sam­þykkti þær á fundi sínum. Þær hófust klukkan tólf á hádegi föstu­dag­inn 3. febr­úar og lauk þeim klukkan sex í eft­ir­mið­dag­inn í dag, 7. febr­úar. Verkföll félags­mann Eflingar sem vinna á Íslands­hót­elum hófust einmitt í dag, en félags­dómur komst að þeirri nið­ur­stöðu í gær að þau væru lög­leg.

Verkföll á hinum hót­el­unum og hjá bíl­stjór­unum hefj­ast 15. febr­úar, eða eftir viku.