Fyrri aukaspurning:

Hvaða ár er þessi ljósmynd tekin?

***

Aðalspurningar:

1.  Kona nokkur gekk ung í hjónaband, meira að segja töluvert of ung myndum við flestöll telja nú. Hún var svo líklega aðeins 19 ára þegar hún missti eiginmanninn, en helgaði sig upp frá því því hlutverki að breiða út skoðanir hans og styrkja þær á alla lund. Hún lifði í sínum ekkjudómi 44 ár en dó þá. Hún er æ síðan virt vel meðal fylgismanna eiginmannsins. Hvað hét hún?

2.  En hvað hét eiginmaðurinn?

3.  Á Óskarsverðlaunahátíðinni eru veitt verðlaun fyrir bestu erlendu myndina. Myndir gerðar í hvaða landi hafa oftast unnið þau verðlaun?

4.  Hver skrifaði um hina „fagurbrynhosuðu Akkea“ og „hina rósfingruðu morgungyðju“?

5.  En hver þýddi þetta á íslensku?

6.  Hin kaþólska munkaregla Dominíkana er stundum kennd við ákveðið dýr, það vill segja að munkarnir eru kallaðir [dýr]. guðs. Hvaða dýr?

7.  Hversu mörg tónverk af öllu tagi eru til eftir Ludwig van Beethoven? Eru þau 27 — 72 — 177 — 722 eða 1.272?

8.  Hvar á landinu er Dynjandisheiði?

9.  Baltasar Kormákur er nú að leggja síðustu hönd á kvikmyndun skáldsögu eftir íslenskan höfund. Myndin heitir Snerting en hver er höfundurinn?

10.  Hvaða íslenski leikari stofnaði nýlega framleiðslufyrirtækið ACT4 ásamt nokkrum öðrum?

***

Seinni aukaspurning:

Þarna má sjá leikkonuna Önnu Gunn. En hvað heitir persónan sem hún er að leika þarna?

***

Svör við aðalspurningum:

1.  Aísha.

2.  Múhameð spámaður.

3.  Ítalíu.

4.  Hómer.

5.  Sveinbjörn Egilsson.

6.  Hundar guðs.

7.  722.

8.  Á Vestfjörðum.

9.  Ólafur Jóhann.

10.  Ólafur Darri.

***

Svör við aukaspurningum:

Efri myndin er tekin á fyrsta degi Surtseyjargossins 1963. Myndin er á Héraðsskjalasafni Austur-Húnavatnssýslu.

Persónan á neðri myndinni er Skyler White úr Breaking Bad.