Makbeð er nú til sýnis á íslensku leik­sviði – það mun vera í fimmta sinn sem atvinnu­leik­arar takast á við „skoska leik­ritið“. Leikrit Shakespe­ares fjallar aug­ljós­lega um ótæpi­legan metnað sem þró­ast yfir í grimmdaræði og morð – en fleira má þó finna í leiknum, ef að er gáð. En hver var hinn raun­veru­legi Makbeð?

Hann  var vissu­lega á dögum, kóngur í Skotlandi á 11. öld. En gáum fyrst að því hvernig hann birt­ist hjá Shakespe­are.

Þegar leik­ur­inn hefst er nýlokið orr­ustu þar sem Skotar hrundu inn­rás nor­rænna vík­inga. Helsti maður Duncans kon­ungs, Makbeð jarl af Glamis, stýrði Skotum í orr­ust­unni og hlýtur mikið lof fyrir.

Nornir birtast

Á leið frá víg­vell­inum til fundar við Duncan kóng hitta Makbeð og Bankó vinur hans nornir þrjár, heldur svaka­legar, sem ávarpa Makbeð glað­hlakka­lega fyrst sem jarl af Kavdor og síðan sem kon­ung Skota.

Makbeð furðar sig að vonum á titla­togi norn­anna en …