Ein vin­sælasta þátta­röð Netflix frá upp­hafi, Dahmer – Skrímsli, saga Jeffrey Dahmer, er eins og tit­ill­inn gefur til kynna tíu þátta sería um raðmorð­ingj­ann Jeffrey L. Dahmer. Á árunum 1978 til 1991 myrti hann sautján unga menn og mis­not­aði, bæði á meðan þeir voru á lífi og eftir dauða þeirra. Flest fórn­ar­lamba hans voru svartir eða brúnir ungir menn og margir þeirra sam­kyn­hneigðir. Fórn­ar­lömbin hans voru því þegar hluti af hópum sam­fé­lags­ins sem höfðu hvorki rödd né vald í sam­fé­lag­inu. Í þátt­unum fylgj­umst við með Dahmer taka af þeim það litla vald sem þeir höfðu, þagga end­an­lega niður í þeim og gera við þá það sem honum þókn­að­ist.

Leik­stjóri þátt­anna, Ryan Murphy, gerir til­raun til þess að gefa fórn­ar­lömbum Dahmers rödd­ina sína aftur, sýna þá sem meira en bara fórn­ar­lömb, sýna þá sem mann­eskjur sem voru annað en hræði­leg örlög þeirra.

Í afþrey­ing­ar­efni er rík til­hneig­ing til að …