Varaþingkona Framsóknar spyr spurninga um laxeldi: „Þetta er mín skoðun“

Brynja Dan Gunn­ars­dóttir, vara­þing­kona Fram­sókn­ar­flokks­ins, spurði mat­væla­ráð­herra, Svandísi Svav­ars­dóttur, gagn­rýnna spurn­inga um lax­eldi í sjó­kvíum í síð­ustu viku. Vara­þing­konan sett­ist á þing í sex daga fyrir Ásmund Einar Daðason, mennta- og barna­mála­ráð­herra, frá 16. til 22. sept­em­ber og lagði fram fyr­ir­spurn til ráð­herra um lax­eldi á þessum tíma.

Inntakið í spurn­ingum Brynju var meðal ann­ars að inna ráð­herra eftir við­brögðum hennar við hætt­unni á erfða­blöndun milli norsku eld­is­lax­anna í sjó­kvíum við Ísland og villtra íslenskra laxa. Þá vill Brynja einnig að mat­væla­ráð­herra beiti sér fyrir að setja upp­runa­merk­ingu á þann eld­is­lax sem seldur er á Íslandi. 

Eitt af því sem er áhuga­vert við þessa fyr­ir­spurn Brynju Dan er að hún kemur frá vara­þing­manni Fram­sókn­ar­flokks­ins, flokks sem situr í rík­is­stjórn með flokki mat­væla­ráð­herra, Vinstri grænum.  Aðspurð um hvernig þessa fyr­ir­spurn bar að segir Brynja Dan að um sé að ræða per­sónu­legt hugð­ar­efni hennar og að hún hafi sjálf ákveðið að leggja fyr­ir­spurn­ina fram. „Þetta er bara ég. Ég hef alltaf haft áhuga á dýra­vel­ferð og hef beitt mér í þeim mála­flokki.“

Þingflokkurinn upplýstur

Fyr­ir­spurnin kemur því beint frá Brynju sjálfri en ekki frá þing­flokknum. Stundum er það þannig að fyr­ir­spurnir eru unnar inni í þing­flokkum sam­eig­in­lega og svo setur ein­hver þing­maður þær fram. Svo var ekki í þessu til­felli.

Brynja segir að fyr­is­p­urn hennar hafi samt verið til umræðu í þing­flokknum áður en hún var sett fram. „Það voru engin átök inni í flokknum og allir upp­lýstir. Flokk­ur­inn minn hefur ekki verið þarna. En það er kannski bjútíið við það að fá inn nýtt og ferskt fólk og við megum vera með alls konar skoð­anir. Þetta er mín skoðun. Ég átti í góðu sam­tali við Ásmund Einar [Daðason] og það var búið að láta Sigurð Inga [Jóhanns­son] vita og það voru allir með­vit­aðir um stöðu mála,“ segir Brynja. 

Aðspurð um hvort fyr­ir­spurnin end­ur­spegli líka skoð­anir Ásmundar Einars á lax­eldi segir Brynja. „Ég get ekki tjáð mig fyrir hans hönd en hann styður mig bara í einu og öllu veit ég.“

Spurningar Brynju Dan

Spurn­ing­arnar sem Brynja Dan spyr mat­væla­ráð­herra, Svandísi Svav­ars­dóttur að, fylgja hér á eftir. 

„1.      Hyggst ráð­herra setja reglur um til­grein­ingu á upp­runa­landi eða upp­runa­stað eld­is­lax sem seldur er á Íslandi? Ef ekki, hver eru rökin fyrir því að gera það ekki?
     2.      Telur ráð­herra stöðu lax­eldis á Íslandi ásætt­an­lega með til­liti til heil­brigðis og dýra­vel­ferðar? Ef ekki, hvað telur ráð­herra að hægt sé að bæta og mun hann beita sér fyrir því?
     3.      Telur ráð­herra þörf á að bæta reglur um losun líf­ræns úrgangs eða frá­rennsl­is­vatns í lax­eldi?
     4.      Telur ráð­herra þörf á að bregð­ast frekar við með ein­hverjum hætti vegna vís­bend­inga um erfða­blöndun milli eld­is­laxa sem sloppið hafa úr sjó­kvíum og villtra laxa­stofna?“

Ráðherra hefur 15 virka daga til að svara fyr­ir­spurn­inni.