Fyrri aukaspurning:

Hvað kallaðist sú stóra sprengjuflugvél úr seinni heimsstyrjöld sem hér sést?

***

Aðalspurningar:

1.  Blackpool heitir borg ein á Bretlandi og stendur við Írlandshaf. Nafnið þýðir vitaskuld svartur pollur. En í 215 kílómetra fjarlægð í beinni loftlínu frá Blackpool er önnur borg og nafn hennar þýðir líka svartur (eða dökkur) pollur, en að sönnu á öðru tungumáli en ensku. Undir hvaða nafni þekkjum við þennan seinni Svartpoll?

2.  Olof Scholz gegnir um þessar mundir ábyrgðarmiklu starfi. Hann er sem sé ... hvað?

3.  Raffaello Sanzio da Urbino var ítalskur listamaður sem uppi var um 1500 og er oftast einfaldlega kallaður Rafael. Við hvaða listgrein fékkst Rafael?

4.  Donatella Versace er líka frægur Ítali en við hvað fæst hún?

5.  Hver skrifaði það sem við köllum jólaguðspjallið?

6.  Hver var forsætisráðherra Íslands í tæpt ár, frá apríl 2016 til janúar 2017?

7.  Hver tók þá við?

8.  Íslenska orðið bíó er komið frá danska orðinu biografteater. Orðið biograf er á dönsku notað bæði yfir kvikmyndahús og ævisögur (biografie), en það er samsett úr tveim grískum orðum — bíos og graphikós. Hvað þýða þessi tvö orð?  

9.  Upp á hvað var haldið á Íslandi árið 1930?

10.  Á hvaða svæði er jóga upprunnið? Er það í Bandaríkjunum — á Indlandi — í Japan — í Kína — í Persíu — í Tíbet?

***

Seinni aukaspurning:

Þessir kátu félagar voru í hljómsveit sem þeir nefndu ... hvað?

***

Svör við aðalspurningum:

1.  Dublin.

2.  Kanslari Þýskalands.

3.  Málaralist.

4.  Tísku.

5.  Lúkas.

6.  Sigurður Ingi.

7.  Bjarni Benediktsson.

8.  Bíos þýðir líf og graphikós þýðir eitthvað sem er teiknað eða lýst — má segja. Merking beggja orða — biograf sem kvikmyndahús og biografie sem ævisaga — er því í raun hin sama: Lýsing á lífi.

9.  Þúsund ára afmæli Alþingis.

10.  Á Indlandi.

***

Svör við aukaspurningum:

Flugvélin var nefnd Fljúgandi virki, á ensku Flying Fortress. En líka fæst stig fyrir Boeing B-17.

Hljómsveitin á neðri myndinni var Sex Pistols.